ന്യൂഡല്ഹി: നിയമസഭാ തെരഞ്ഞെടുപ്പിന് മുന്നോടിയായി മുന് മുഖ്യമന്ത്രി ഉമ്മന്ചാണ്ടിക്ക് പുതിയ പദവി. തെരഞ്ഞെടുപ്പ് മേല്നോട്ട സമിതിയുടെ ചെയര്മാന് സ്ഥാനം ഉമ്മന്ചാണ്ടിക്ക് നല്കും. നേരത്തേ ഇതുമായി ബന്ധപ്പെട്ട് നിരവധി ആവശ്യങ്ങള് ഹൈക്കമാന്ഡിന് മുമ്പിലുണ്ടായിരുന്നു. ഉമ്മന്ചാണ്ടിയെ നേതൃനിരയിലേക്ക് കൊണ്ടുവരണമെന്ന് ആവശ്യവും സമ്മര്ദവും മുസ്ലിം ലീഗ് അടക്കമുള്ള ഘടകകക്ഷികള് ഉയര്ത്തിരുന്നു.
തദ്ദേശ തെരഞ്ഞെടുപ്പിലെ തിരിച്ചടി അടക്കം ചൂണ്ടിക്കാട്ടി പ്രതിപക്ഷ നേതാവ് രമേശ് ചെന്നിത്തലയെ മുന്നിര്ത്തി മാത്രം നിയസഭാ തെരഞ്ഞെടുപ്പിനെ നേരിടാനാകില്ലെന്ന അഭിപ്രായവും യുഡിഎഫ് ഘടകകക്ഷികള് ഹൈക്കമാന്റിനെ അറിയിച്ചിരുന്നു. തെരഞ്ഞെടുപ്പ് തന്ത്രങ്ങള് ആവിഷ്ക്കരിക്കാനുള്ള സമിതിയുടെ മേല്നോട്ടവും ഉമ്മന് ചാണ്ടിക്കുണ്ടാകുമെന്നാണ് സൂചന.
സംഘടനാ ചുമതലയുള്ള എഐസിസി ജനറല് സെക്രട്ടറി കെ സി വേണുഗോപാലുമായും സംസ്ഥാനത്തിന്റെ ചുമതലയുള്ള എഐസിസി ജനറല് സെക്രട്ടറി താരിഖ് അന്വറുമായും കേരളത്തില്നിന്ന് എത്തിയ നേതാക്കള് മൂന്നു മണിക്കൂറോളം ചര്ച്ച നടത്തി.
