തിരുവനന്തപുരം: പാറശ്ശാല പൊന്വിളയില് മുന് മുഖ്യമന്ത്രി ഉമ്മന് ചാണ്ടിയുടെ സ്തൂപം തകര്ത്ത സംഭവത്തില് പങ്കില്ലെന്ന് ഡിവൈഎഫ്ഐ. സ്തൂപം തകര്ത്തത് ഡിവൈഎഫ്ഐയുടെ തലയില് കെട്ടിവയ്ക്കാനുള്ള കോണ്ഗ്രസിന്റെ നിലപാട് അപലപനീയമാണ്. പാറശാല പൊന്വിളയിലുണ്ടായ സംഭവത്തില് സംഘടനയ്ക്ക് യാതൊരു ബന്ധവുമില്ല. അന്തരിച്ച പ്രമുഖരുടെ പ്രതിമകള്ക്ക് നേരെ ആക്രമണം നടത്തുന്നത് ഹീനപ്രവൃത്തിയാണ്.
ഡിവൈഎഫ്ഐയ്ക്ക് യാതൊരു പങ്കുമില്ലാത്ത സംഭവത്തെ മുന്നിര്ത്തി, പൊതുജനമധ്യത്തില് സംഘടനയെ അപമാനിക്കാനുള്ള നീക്കം നടക്കുകയാണ്. ഉന്നതമായ രാഷ്ട്രീയ മാന്യതയും സഹിഷ്ണുതയും ഉയര്ത്തിപ്പിടിക്കുന്ന പ്രസ്ഥാനമാണ് ഡിവൈഎഫ്ഐ. തെറ്റായ പ്രചരണങ്ങളെ തള്ളിക്കളയണമെന്ന് ഡിവൈഎഫ്ഐ തിരുവനന്തപുരം ജില്ലാ കമ്മിറ്റി പ്രസ്താവനയിലൂടെ അഭ്യര്ത്ഥിച്ചു. അതേസമയം, തിരുവനന്തപുരം പാറശ്ശാല പൊന്വിളയില് മുന് മുഖ്യമന്ത്രി ഉമ്മന് ചാണ്ടിയുടെ സ്തൂപം തകര്ത്തയാള് പിടിയിലായിട്ടുണ്ട്.
