പത്തനംതിട്ട : കേരള പ്രദേശ് പ്രവാസി കോൺഗ്രസ് പഴവങ്ങാടി ടൗൺ മണ്ഡലം കമ്മറ്റിയുടെ ആഭിമുഖ്യത്തിൽ ജനനായകൻ ഉമ്മൻ ചാണ്ടി അനുസ്മരണം ജൂലൈ 26 ശനിയാഴ്ച വൈകിട്ട് നാലിന് മന്ദമരുതി ജംഗ്ഷനിൽ നടത്തപ്പെടുന്നു.
പ്രവാസി കോൺഗ്രസ് മണ്ഡലം പ്രസിഡന്റ് റോയി ഉള്ളിരിക്കലിന്റെ അധ്യക്ഷതയിൽ കൂടുന്ന മീറ്റിംഗിൽ പ്രവാസി കോൺഗ്രസിന്റെ ചുമതലയുള്ള കെ പി സി സി ജനറൽ സെക്രട്ടറി അഡ്വ. പഴകുളം മധു ഉത്ഘാടനം നിർവഹിക്കും. കെ പി സി സി സെക്രട്ടറി റിങ്കു ചെറിയാൻ അനുസ്മരണ പ്രഭാഷണം നടത്തും.
പ്രവാസി കോൺഗ്രസ് ജില്ലാ പ്രസിഡന്റ് മാത്യു പാറക്കൽ സാന്ത്വനം ചികിത്സാ സഹായ വിതരണം നിർവഹിച്ചു സംസാരിക്കും. ബ്ലോക്ക് കോൺഗ്രസ് പ്രസിഡന്റ് അഡ്വ. സിബി താഴത്തില്ലത്ത്, കോൺഗ്രസ് മണ്ഡലം പ്രസിഡന്റ് പ്രമോദ് മന്ദമരുതി തുടങ്ങി യുഡിഫിന്റെ സമുന്നത നേതാക്കൾ ജനനായകൻ ഉമ്മൻ ചാണ്ടിയെ അനുസ്മരിച്ചു സംസാരിക്കുമെന്നും മണ്ഡലം പ്രസിഡന്റ് റോയി ഉള്ളിരിക്കൽ, ജനറൽ സെക്രട്ടറി ജോർജ് പി ചാക്കോ, വൈസ് പ്രസിഡന്റുമാരായ പി സി മാത്യു, ജോസഫ് വർഗീസ്, ട്രഷറർ കുര്യൻ തോമസ് എന്നിവർ അറിയിച്ചു.
