തിരുവനന്തപുരം : കേരളത്തില് തുടരുന്ന ശക്തമായ മഴയുടെ സാഹചര്യത്തില് ദുരിതാശ്വാസപ്രവര്ത്തനങ്ങള്ക്ക് പ്രതിപക്ഷത്തിന്റെ പൂര്ണ പിന്തുണയും സഹകരണവുമുണ്ടാകുമെന്ന് പ്രതിപക്ഷനേതാവ് വി.ഡി. സതീശന് മുഖ്യമന്ത്രി പിണറായി വിജയനെ ടെലഫോണില് അറിയിച്ചു.
അനാവശ്യ യാത്രകള് ഒഴിവാക്കിയും മറ്റും എല്ലാവരും ജാഗ്രത പാലിക്കണമെന്ന് പ്രതിപക്ഷനേതാവ് പ്രസ്താവനയില് അഭ്യര്ത്ഥിച്ചു. എല്ലാ കോണ്ഗ്രസ്, യു.ഡി.എഫ് പ്രവര്ത്തകരും മഴക്കെടുതിയില് വലയുന്നവരെ സഹായിക്കാന് മുന്നോട്ട് വരണം. സര്ക്കാര് സംവിധാനങ്ങള് അങ്ങേയറ്റം കാര്യക്ഷമമായി പ്രവര്ത്തിക്കുമെന്ന് ഉറപ്പു വരുത്തണമെന്നും പ്രതിപക്ഷനേതാവ് ആവശ്യപ്പെട്ടു.
