കാലടി : ശ്രീ ശങ്കരാചാര്യ സംസ്കൃത സർവ്വകലാശാലയിലെ ഹിന്ദി വിഭാഗത്തിന്റെ ആഭിമുഖ്യത്തിൽ ദ്വിദിന ദേശീയ വെബിനാർ സംഘടിപ്പിച്ചു. എഴുത്തുകാരനും നിരൂപകനുമായ ഡോ.രവി ഭൂഷൺ ദേശീയ വെബിനാർ ഉദ്ഘാടനം ചെയ്തു. പ്രൊഫ.അരുൺ ഹോത (പശ്ചിമ ബംഗാൾ സർവ്വകലാശാല), ഡോ.സൂരജ് പാലിവാൽ, ഡോ.രോഹിണി അഗർവാൾ (മഹർഷി ദയാനന്ദ് സർവ്വകലാശാല) എന്നിവർ വിവിധ വിഷയങ്ങളിൽ പ്രബന്ധങ്ങൾ അവതരിപ്പിച്ചു. ഡോ.രവി ഭൂഷൺ മുഖ്യപ്രബന്ധം അവതരിപ്പിച്ചു. ഹിന്ദി വിഭാഗം മേധാവി ഡോ.കെ.ശ്രീലത അധ്യക്ഷയായിരുന്നു.
