അടൂര് : പത്തനംതിട്ട ജില്ലാ യുവജന കേന്ദ്രത്തിന്റെ നേതൃത്വത്തില് സംഘടിപ്പിച്ച ഫുട്ബോൾ ടൂർണമെന്റ് ഡെപ്യൂട്ടി സ്പീക്കർ ചിറ്റയം ഗോപകുമാർ ഉദ്ഘാടനം ചെയ്തു. ബോർഡ് മെമ്പർ കവിത.എസ്സ് അദ്ധ്യക്ഷത വഹിച്ചു. ജില്ലാ യൂത്ത് പ്രോഗ്രാം ഓഫീസർ ബീന എസ്.ബി, ജില്ലാ യൂത്ത് കോർഡിനേറ്റർ ബിബിൻ എബ്രഹാം, പഞ്ചായത്ത് മുൻസിപ്പൽ കോർഡിനേറ്റർമാരായ ഷാനവാസ് പന്തളം, പ്രശാന്ത് കടമ്പനാട് എന്നിവര് പങ്കെടുത്തു.
ഒക്ടോബര് 4,5 രണ്ട് ദിവസങ്ങളിലായാണ് ടൂര്ണമെന്റ് നടക്കുന്നത്. ജില്ലാ തലത്തിൽ ഒന്നാം സമ്മാനം ലഭിക്കുന്ന ടീമിന് ഇരുപത്തയ്യാരം (25000) രൂപയും രണ്ടാം സമ്മാനം പതിനയ്യായിരം (15000) രൂപയും മൂന്നാം സമ്മാനം പതിനായിരം (10000) രൂപയും ആണ് ലഭിക്കുന്നത്. ജില്ലയിൽ നിന്ന് വിജയിക്കുന്ന ടീമുകൾക്ക് സംസ്ഥാന തലത്തിൽ മൽസരം ഉണ്ടായിരിക്കും. ജില്ലയിൽ നിന്ന് നാൽപത്തിയഞ്ച് (45) ടീമുകളാണ് ഈ ടൂർണമെന്റിൽ പങ്കെടുകുന്നത്. ജില്ലയിൽ നിന്ന് വിജയിക്കുന്ന ടീമിനുള്ള സമ്മാനദാനം അന്തർ ദേശീയ ഫുട്ബോൾ താരം കെ.റ്റി ചാക്കോ നല്കും.
