കൊച്ചി : സ്വര്ണാഭരണങ്ങള് മോഷ്ടിച്ച കേസില് പ്രതി പിടിയില്. കുമ്പളം പനങ്ങാട് ചേപ്പനം ബണ്ട് റോഡില് തൈപ്പറമ്പില് വീട്ടില് ജോര്ജ് ഷൈനാണ് (42) സൗത്ത് പോലീസിെന്റ പിടിയിലായത്. കഴിഞ്ഞ 14 ന് കടവന്ത്ര സ്വദേശിനി പെരുമാനൂരിലെ ജ്വല്ലറി ഉടമ രാവിലെ കട തുറക്കാന് എത്തിയപ്പോള് പാര്ക്ക് ചെയ്തിരുന്ന സ്കൂട്ടറില് വെച്ചിരുന്ന ബാഗ് പ്രതി മോഷ്ടിക്കുകയായിരുന്നെന്ന് പോലീസ് പറഞ്ഞു.
ബാഗില് ഒരുലക്ഷം രൂപ വിലവരുന്ന സ്വര്ണാഭരണങ്ങളും 10,000 രൂപയുടെ മൊബൈല് ഫോണുമുണ്ടായിരുന്നു. സമീപതതെ സി.സി ടി.വി ദൃശ്യങ്ങള് പരിശോധിച്ചതില് പ്രതി ഉപയോഗിച്ചിരുന്ന വാഹനത്തിെന്റ നമ്പര് ലഭിക്കുകയും ഇത് പരിശോധിച്ച് പിടികൂടുകയുമായിരുന്നു. മാല ഉരുക്കി കട്ടിയാക്കി വില്പന നടത്തിയതായും 5.6 ഗ്രാം സ്വര്ണം പണയം വെച്ചതായും പ്രതി കുറ്റസമ്മതം നടത്തിയെന്ന് പോലീസ് വ്യക്തമാക്കി. എറണാകുളം പറമ്പിത്തറ റോഡില് പാര്ക്ക് ചെയ്തിരുന്ന സ്കൂട്ടറിലെ ഓണ്ലൈന് ഡെലിവറി സാധനങ്ങളടങ്ങിയ ബാഗ് മോഷ്ടിച്ചതിന് ഇയാള്ക്കെതിരെ മറ്റൊരു കേസും രജിസ്റ്റര് ചെയ്തിട്ടുണ്ട്.
