റാന്നി : ഓട്ടിസം ബാധിതരായ കുട്ടികളുടെ സാമൂഹികരണവും ഉൾചേർക്കൽ വിദ്യാഭ്യാസവും ലക്ഷ്യം വെച്ച് നടത്തുന്ന ലോക ഓട്ടിസം ദിനാചരണത്തിന്റെ തുടർച്ചയായി റാന്നി ബിആര്സി നടത്തിവന്ന ഓട്ടിസം വാരാചരണം ”ആടാം പാടാം” സമാപിച്ചു. കളികളും കലാപരിപാടികളും കോർത്തിണക്കി റാന്നി ബി ആർ സി യിലെ സ്പെഷ്യൽ എഡ്യൂക്കേറ്റേഴ്സ് നടത്തിയ പ്രോഗ്രാം ഏറെ പുതുമയുള്ളതായിരുന്നു. കുട്ടികൾക്കും രക്ഷിതാക്കൾക്കും പങ്കാളിത്തം നൽകിയാണ് പ്രവർത്തനങ്ങൾ നടത്തിയത്. പരിപാടിയുടെ ഉദ്ഘാടനം റാന്നി ബ്ലോക്ക് പ്രോജക്ട് കോഡിനേറ്റർ ഷാജി എ സലാം നിർവഹിച്ചു. സ്പെഷ്യൽ എഡ്യൂക്കേറ്റേഴ്സ് ആയ മേരിക്കുട്ടി എസ് കുര്യൻ, റിനി സാമുവൽ എന്നിവർ പ്രസംഗിച്ചു.
