കണ്ണൂര് : ആലക്കോട് നെല്ലിക്കുന്നിൽ കാര് കിണറ്റില് വീണുണ്ടായ അപകടത്തില് പരിക്കേറ്റ യുവാവ് മരിച്ചു. അപകടത്തില് ഗുരുതരമായി പരിക്കേറ്റ വിന്സ് (18) ചികിത്സയിലിരിക്കെയാണ് മരിച്ചത്. വിന്സിന്റെ പിതാവ് മാത്തുക്കുട്ടി സംഭവസ്ഥലത്ത് വെച്ചുതന്നെ മരിച്ചിരുന്നു. ഇന്ന് രാവിലെയാണ് അപകടം ഉണ്ടായത്. വിന്സ് ഡ്രൈവിംഗ് പഠിക്കാനായി വീട്ടിൽ നിന്നും കാർ പുറത്തിറക്കുന്നതിനിടെയാണ് അപകടമുണ്ടായത്. നിയന്ത്രണം നഷ്ടമായി ആൾമറ തകർത്താണ് കാർ കിണറിലേക്ക് വീണത്. തളിപ്പറമ്പില് നിന്ന് ഫയര്ഫോഴ്സ് സംഘമെത്തിയാണ് ഇരുവരെയും പുറത്തെടുത്തത്.
