പത്തനംതിട്ട : കോവിഡ് മൂന്നാം തരംഗം ഉണ്ടായാല് ഒക്സിജൻ ദൗർലഭ്യം ഒരു വലിയ പ്രശ്നമാകുമെന്ന് മനസ്സിലാക്കി പത്തനംതിട്ട പാർലമെന്റ് മണ്ഡലത്തിലെ മുഴുവൻ മുനിസിപ്പാലിറ്റികളിലും പഞ്ചായത്തുകളിലും അടിയന്തിരമായി ഓക്സിജൻ കോൺസെൻട്രേറ്ററുകൾ എത്തിക്കുകയാണ് ആന്റോ ആന്റണി എംപി.
അഞ്ച് ഒക്സിജൻ കോൺസെൻട്രേറ്ററുകൾ പത്തനംതിട്ട ജനറൽ ആശുപത്രിക്ക് കൈമാറി വിതരണത്തിന് തുടക്കം കുറിച്ചു. ജില്ലയിൽ ഏറ്റവുമധികം ആളുകൾ ആശ്രയിക്കുന്ന ആശുപത്രി എന്ന് പ്രത്യേക പരിഗണനയിൽ യൂത്ത് കോൺഗ്രസ് സംസ്ഥാന നിർവാഹകസമിതി അംഗം നഹാസ് പത്തനംതിട്ടയുടെ ഇടപെടലിനെ തുടർന്നാണ് ജില്ലാ ആശുപത്രി തന്നെ പദ്ധതിയുടെ ഉദ്ഘാടനത്തിന് തെരഞ്ഞെടുത്തത്. ആശുപത്രി സൂപ്രണ്ട് ഡോ. താജ് പോൾ പനക്കൽ എംപിയിൽ നിന്നും ഓക്സിജൻ കോൺസൺട്രേറ്ററുകൾ ഏറ്റുവാങ്ങി. ആർ എം ഒ ഡോ. ആഷിഷ് മോഹൻകുമാർ, അസി. ആർ എം ഒ ഡോ. ജിബി വർഗ്ഗീസ്, അനീഷ് വരിക്കണ്ണാമല, നഹാസ് പത്തനംതിട്ട എന്നിവർ സന്നിഹിതരായിരുന്നു.
