ദുബായ് : കോവിഡ് സാഹചര്യത്തിൽ ഇന്ത്യക്കാർക്ക് യുഎഇ ഏർപ്പെടുത്തിയ പ്രവേശനവിലക്ക് ഈ മാസം അവസാനത്തോടെ പിൻവലിക്കുമെന്നാണ് പ്രതീക്ഷയെന്ന് ദുബായ് ഇന്ത്യൻ കോൺസൽ ജനറൽ അമൻപുരി പറഞ്ഞു. താമസ വീസയുള്ളവരുടെ യാത്രയ്ക്കാകും ആദ്യ പരിഗണന.
പലർക്കും മടങ്ങിയെത്തി ജോലിയിൽ പ്രവേശിക്കേണ്ടതുണ്ട്. യാത്രാനിരോധനം നീക്കുന്നത് സംബന്ധിച്ച് ഇന്ത്യ-യുഎഇ ചർച്ചകൾ പുരോഗമിക്കുകയാണ്. ഒക്ടോബർ ഒന്നിന് ദുബായ് എക്സ്പോ തുടങ്ങുമ്പോഴേക്കും യാത്രയുമായി ബന്ധപ്പെട്ട എല്ലാ വിലക്കുകളും നീങ്ങുമെന്നും അദ്ദേഹം പറഞ്ഞു.
