പത്തനംതിട്ട : പത്തനംതിട്ട നഗരസഭാ ചെയർമാൻ അഡ്വ.ടി സക്കീർ ഹുസൈന്റെ ഓക്സിമീറ്റർ ചലഞ്ചിലൂടെ ലഭിച്ച പൾസ് ഓക്സിമീറ്ററുകളുടെ ഒന്നാംഘട്ട വിതരണം വീണാ ജോർജ്ജ് എംഎൽഎ ഉദ്ഘാടനം ചെയ്തു. പ്രതിപക്ഷ നേതാവ് ജാസിംകുട്ടിക്ക് ഓക്സിമീറ്റർ കൈമാറിക്കൊണ്ടാണ് എം.എല്.എ ഉദ്ഘാടനം നിര്വഹിച്ചത്.
32 വാർഡുകളിലെയും ജാഗ്രതാ സമിതികൾക്ക് പൾസ് ഓക്സിമീറ്റർ കൈമാറും. ഓക്സിമീറ്റർ ചലഞ്ചിന് നല്ല പ്രതികരണമാണ് ലഭിച്ചതെന്ന് ടി സക്കീർ ഹുസൈന് പറഞ്ഞു. നാട്ടിലും വിദേശത്തുനിന്നും വലിയ സഹകരണമാണ് ലഭിച്ചതെന്ന് അദ്ദേഹം പറഞ്ഞു. ചടങ്ങിൽ സ്റ്റാൻഡിങ് കമ്മിറ്റി ചെയർമാൻ എസ് ഷമീർ, കൗൺസിലർമാരായ പി കെ അനീഷ്, ആർ സാബു, ശോഭ കെ മാത്യു, ജൂനിയർ ഹെൽത്ത് ഇൻസ്പെക്ടർ ദീപു മോൻ തുടങ്ങിയവർ പങ്കെടുത്തു.
