തിരുവനന്തപുരം: ശ്രീപത്മനാഭ സ്വാമി ക്ഷേത്രത്തില് സ്ത്രീയെ ജീവനക്കാരന് അപമാനിക്കാന് ശ്രമിച്ചെന്ന് പരാതി. പരാതിയില് ക്ഷേത്രം ജീവനക്കാരനെതിരേ പോലീസ് കേസെടുത്തു. ഇന്നലെ വൈകുന്നേരമാണ് തിരുവനന്തപുരം സ്വദേശിയായ സ്ത്രീ പരാതിയുമായി പോലീസിനെ സമീപിക്കുന്നത്. ക്ഷേത്രത്തിലെ ജീവനക്കാരന് അധിക്ഷേപിച്ചു, ശരീരത്തില് സ്പര്ശിച്ചു എന്നാണ് പരാതിയിലുള്ളത്. പരാതിക്കാരിയുടെ മൊഴി രേഖപ്പെടുത്തി പോലീസ് എഫ്ഐആര് രജിസ്റ്റര് ചെയ്തു.
അതേസമയം ശ്രീകോവിലിലേക്ക് പ്രവേശിക്കാന് അനുമതിയില്ലാത്ത പാതയിലൂടെ സ്ത്രീ കയറാന് ശ്രമിച്ചത് തടഞ്ഞതാണെന്ന് ജീവനക്കാരന്റെ വിശദീകരണം. സംഭവസ്ഥലത്ത് സിസിടിവി ക്യാമറകളുള്ളതിനാല് ഇതിലെ ദൃശ്യങ്ങള് പരിശോധിക്കാനാണ് പോലീസിന്റെ നീക്കം.
