അടൂർ : കാലത്തിന്റെ ക്യാൻവാസിൽ വർണ്ണങ്ങൾ വാരിവിതറുന്നവരാണ് ചിത്രകാരന്മാർ എന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. കേരള ചിത്രകല പരിഷത്തിന്റെ പത്തനംതിട്ട ജില്ല കമ്മറ്റി സംഘടിപ്പിച്ച ഏകദിന ചിത്രകല ക്യാമ്പ് വർണ്ണത്തുള്ളികൾ ഉദ്ഘാടനം നിർവഹിച്ചു സംസാരിക്കുകയായിരുന്നു അദ്ദേഹം. ആശയങ്ങളെ വരകളിലൂടെ പ്രതിഫലിപ്പിക്കുമ്പോൾ ജീവൻ തുടിക്കുന്ന ചിത്രങ്ങൾ ഉണ്ടാകുന്നു എന്നും ചിറ്റയം പറഞ്ഞു.
കേരള ചിത്രകല പരിഷത്ത് സംസ്ഥാന പ്രസിഡന്റ് സിറിൾ പി തോമസ് അധ്യക്ഷനായിരുന്നു. സെക്രട്ടറി ടി ആര് രാജേഷ്, അടൂർ നഗരസഭ ചെയർപേഴ്സൺ ദിവ്യ റെജി മുഹമ്മദ്, ഫാ. ഡോക്ടർ ജോർജി ജോസഫ്, മനു ഒയാസിസ് എന്നിവര് പ്രസംഗിച്ചു. തുടർന്ന് വിവിധ വിഷയങ്ങളിൽ ക്ലാസും കലാചർച്ചയും നടന്നു. യോഗത്തിൽ തത്വമസി, അശാന്തം സംസ്ഥാന ചിത്രകല പുരസ്കാരം നേടിയ പ്രമോദ് കുരമ്പാലയെ നഗരസഭ ചെയർപേഴ്സൺ ദിവ്യ റെജി മുഹമ്മദ് ആദരിച്ചു.
