കോട്ടയം: തിരുവഞ്ചൂർ പോളച്ചിറയിൽ യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. തിരുവഞ്ചൂർ വന്നല്ലൂർക്കര കോളനിയിലെ ഷൈജുവിനെ ആണ് പോളച്ചിറ പമ്പ് ഹൗസിന് സമീപം മരിച്ച നിലയിൽ കണ്ടത്. രാവിലെ നാട്ടുകാരാണ് യുവാവിന്റെ മൃതദേഹം ആദ്യം കണ്ടത്. തുടർന്ന് പോലീസിനെ വിവരം അറിയിക്കുകയായിരുന്നു.
പോലീസ് നടത്തിയ പരിശോധനയിൽ യുവാവിന്റെ ശരീരത്തിൽ വിവിധ ഇടങ്ങളിൽ ഒട്ടേറെ മുറിവുകൾ കണ്ടെത്തി. കൊലപാതകം ആണെന്നാണ് പോലീസിന്റെ സംശയം. സംഭവവുമായി ബന്ധപ്പെട്ട ഷൈജുവിന്റെ സുഹൃത്ത് അയർക്കുന്നം പോലീസിന്റെ കസ്റ്റഡിയിൽ ഉള്ളതായാണ് സൂചന. ഷൈജുവിനെ ഹെൽമറ്റ് കൊണ്ട് തലയ്ക്കടിച്ച് കൊലപ്പെടുത്തിയതാണെന്ന് സുഹൃത്ത് മൊഴി നൽകിയിട്ടുണ്ട് എന്നാണ് വിവരം എന്നാൽ ഇക്കാര്യം പോലീസ് ഔദ്യോഗികമായി സ്ഥിരീകരിച്ചിട്ടില്ല. മൃതദേഹം ഇൻവെസ്റ്റ് നടപടികൾ പൂർത്തിയാക്കിയ ശേഷം പോസ്റ്റ്മോർട്ടത്തിനായി കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റും. മരിച്ച ഷൈജു പെയിന്റിങ് തൊഴിലാളിയാണ്.