തൃശൂര്: മലദ്വാരത്തിലൊളിപ്പിച്ച് ലഹരി കടത്താന് ശ്രമിച്ച തടവുപുള്ളി പിടിയില്. വിയ്യൂര് അതീവ സുരക്ഷാ ജയിലിലെ തടവുകാരനായ സൂരജാണ് മലദ്വാരത്തിലൊളിപ്പിച്ച് ലഹരികടത്താന് ശ്രമിച്ചത്.ഇയാളെ തൃശൂര് മെഡിക്കല് കോളേജില് നിരീക്ഷണത്തില് പ്രവേശിപ്പിച്ചിരിക്കുകയാണ്.ഇയാളെ ചാലക്കുടി കോടതിയിലെത്തിച്ച് മടങ്ങവെ ജയില് ജീവനക്കാര്ക്ക് സംശയം തോന്നിയിരുന്നു. തുടര്ന്ന് അധികൃതര് ഇയാളുടെ എക്സ് റേ എടുത്തു നോക്കി.
എക്സ് റെയില് പൊതി കണ്ടെത്തിയതോടെ ഇയാളെ മെഡിക്കല് കോളജില് നിരീക്ഷണത്തിലാക്കുകയായിരുന്നു. ലഹരി വസ്തുക്കളാണ് എക്സ്റേയില് കണ്ടെത്തിയതെന്ന് പ്രതി പോലീസിനോട് സമ്മതിച്ചു. ചാലക്കുടി കോടതിയിലെത്തിച്ച് മടങ്ങിയപ്പോഴാണ് മലദ്വാരത്തില് കവറില് കെട്ടിയ വസ്തു കയറ്റിയതെന്നും ഇയാള് കുറ്റംസമ്മതിച്ചു. പ്രതിയ്ക്ക് വയറൊഴിയാനുള്ള മരുന്നു നല്കിയതായി ജയില് അധികൃതര് വ്യക്തമാക്കി.
