ഇസ്ലാമാബാദ്: മുന് പ്രധാനമന്ത്രി ഇമ്രാന് ഖാന്റെ അറസ്റ്റ് അസാധുവാക്കി പാക്കിസ്ഥാന് സുപ്രീംകോടതി. അറസ്റ്റ് നിയമവിരുദ്ധമെന്നും, ഇമ്രാനെ ഉടന് മോചിപ്പിക്കണമെന്നും കോടതി ഉത്തരവിട്ടു. കോടതിയില് നിന്ന് ആരെയും അറസ്റ്റ് ചെയ്യാനാകില്ലെന്നും ചീഫ് ജസ്റ്റിസ് പറഞ്ഞു. ഇമ്രാന് ഖാനെ നാളെ ഹാജരാക്കാമെന്ന് നാഷണല് അക്കൗണ്ടബിലിറ്റി ബ്യൂറോ കോടതിയെ അറിയിച്ചു. എന്നാല് ചീഫ് ജസ്റ്റിസ് ഉമര് അട്ട ബണ്ട്യാല് അംഗീകരിച്ചില്ല. ഒരു മണിക്കൂറിനകം ഇമ്രാനെ കോടതിയില് എത്തിക്കണമെന്ന് ഉത്തരവിടുകയായിരുന്നു.
പാകിസ്ഥാന് ചീഫ് ജസ്റ്റിസ് ഉമര് അതാ ബാന്ഡിയല്, ജസ്റ്റിസ് മുഹമ്മദ് അലി മസര്, ജസ്റ്റിസ് അതര് മിനല്ല എന്നിവരടങ്ങിയ മൂന്നംഗ ബെഞ്ചാണ് 70 കാരനായ ഇമ്രാന് ഖാനെ ഹാജരാക്കാന് ഉത്തരവിട്ടത്. ഇമ്രാന്റെ അറസ്റ്റ് നിയമവിധേയമാണെന്ന ഇസ്ലാമബാദ് ഹൈക്കോടതി വിധി പുറപ്പെടുവിച്ചിരുന്നു. ഇമ്രാന്റെ അറസ്റ്റിനെത്തുടര്ന്ന് രാജ്യവ്യാപകമായി വന് സംഘര്ഷം ഉടലെടുത്തിരുന്നു. ഇതിന്റെ അടിസ്ഥാനത്തില് പാകിസ്ഥാന്റെ തലസ്ഥാനത്ത് ഉള്പ്പടെ വന്തോതില് സൈനികരെ വിന്യസിച്ചിരുന്നു.
