ഇസ്ലാമാബാദ്: പാക് സൈനിക ആസ്ഥാനം സ്ഥിതി ചെയ്യുന്ന റാവൽപിണ്ടിയിൽ മൂന്ന് കമ്പനി സൈനികരെ വിന്യസിക്കാൻ പാകിസ്ഥാൻ ആഭ്യന്തര മന്ത്രാലയം ഉത്തരവിട്ടു. ആറ് മാസത്തേക്കാണ് സൈനിക വിന്യാസം. എന്നാൽ സൈന്യത്തെ വിന്യസിക്കുന്നതിനുള്ള പ്രത്യേക കാരണം ഉത്തരവിൽ വ്യക്തമാക്കിയിട്ടില്ല. നഗരത്തിലെ സുരക്ഷാ സാഹചര്യങ്ങളും സൈനിക ആസ്ഥാനം ഉൾപ്പെടുന്ന പ്രദേശത്തെ സുരക്ഷാ ആശങ്കകളും കണക്കിലെടുത്താണ് നടപടി. പാക്ക് ഭരണഘടനയിലെ ആർട്ടിക്കിൾ 245 പ്രകാരമാണ് സൈനിക വിന്യാസത്തിന് സർക്കാർ അനുമതി നൽകിയത്. ഇതനുസരിച്ച് സുരക്ഷാ ചുമതലയുള്ള ജില്ലാ ഭരണകൂടത്തെ സഹായിക്കുന്നതിനായാണ് സൈന്യത്തെ നിയോഗിക്കുക. റാവൽപിണ്ടിയിൽ സൈന്യത്തെ വിന്യസിക്കണമെന്ന് പാക്ക് പഞ്ചാബ് പ്രവിശ്യാ സർക്കാർ ജൂലൈ 22ന് ആവശ്യപ്പെട്ടിരുന്നു. ഇതിന് പിന്നാലെയാണ് ആഭ്യന്തര മന്ത്രാലയത്തിന്റെ ഉത്തരവ് പുറത്തുവന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
