പാലക്കാട്: പാലക്കാട് ആര്എസ്എസ് പ്രവര്ത്തകന് മുത്താന്തറ ആരപ്പത്ത് എ. ശ്രീനിവാസന് (44) വെട്ടേറ്റു മരിച്ച കേസില് ഒരു പ്രതി കൂടി അറസ്റ്റില്. പാലക്കാട് പട്ടാമ്പി സ്വദേശി സഹീറാണ് അറസ്റ്റിലായത്. ഗൂഢാലോചനയിലും, കൃത്യത്തിലും പങ്കാളിയായിരുന്നു സഹീര്. എന് ഐ എ അറസ്റ്റ് ചെയ്ത പ്രതിയെ കൊച്ചി എന് ഐ എ കോടതിയില് ഹാജരാക്കും. സംഭവത്തില് എസ്ഡിപിഐ സംസ്ഥാന കമ്മിറ്റി അംഗം അമീര് അലി ഉള്പ്പടെയുള്ളവര് അറസ്റ്റിലായിരുന്നു.
2022 ഏപ്രില് 16നാണ് ശ്രീനിവാസനെ മേലാമുറിയിലെ കടയില് കയറി ഒരു സംഘം വെട്ടിക്കൊലപ്പെടുത്തിയത്. പോപ്പുലര് ഫ്രണ്ട് നേതാവ് എലപ്പുള്ളി കുപ്പിയോട് എ. സുബൈറിനെ കൊലപ്പെടുത്തിയതിനു പ്രതികാരമായി തൊട്ടടുത്ത ദിവസം ശ്രീനിവാസനെ കൊലപ്പെടുത്തുകയായിരുന്നു എന്നു കേസ് അന്വേഷണം നടത്തിയ കേരള പോലീസ് കണ്ടെത്തിയിരുന്നു.
