കോട്ടയം: പാലാരിവട്ടം പാലം അഴിമതി കേസില് മുന് മന്ത്രി ഇബ്രാഹിംകുഞ്ഞ് അറസ്റ്റിലായതിനു പിന്നാലെ കണ്സള്ട്ടന്സി ഉടമ വി.വി. നാഗേഷ് അറസ്റ്റില്. പാലത്തിന്റെ കണ്സള്ട്ടന്സിയായിരുന്ന നാഗേഷ് കണ്സള്ട്ടന്സിയുടെ ഉടമയാണ് ഇദ്ദേഹം.
നാഗേഷിനെ കോട്ടയത്ത് വിജിലന്സ് ചോദ്യം ചെയ്തുവരികയായിരുന്നു. ഇതിന് പിന്നാലെയാണ് അറസ്റ്റ് ചെയ്തത്. കണ്സള്ട്ടന്സിയിലെ സീനിയര് കണ്സള്ട്ടന്റ് മഞ്ജുനാഥിനെ നേരത്തെ അറസ്റ്റ് ചെയ്തിരുന്നു. പാലത്തിന്റെ രൂപകല്പ്പനയ്ക്കായി 17 ലക്ഷം രൂപയാണ് കണ്സട്ടന്സി ഈടാക്കിയത്. നാഗേഷിനെ ഇന്ന് തന്നെ മൂവാറ്റുപുഴയില് വിജിലന്സ് കോടതിയില് ഹാജരാക്കും.
