തിരുവനന്തപുരം: പാലത്തായിയിലെ പിഞ്ചുബാലികയെ പീഡിപ്പിച്ച ബി.ജെ.പി നേതാവ് പത്മരാജനെ രക്ഷിക്കാന് കുറ്റപത്രത്തില്നിന്ന് പോക്സോ ഒഴിവാക്കി ജാമ്യം ലഭ്യമാക്കിയ സര്ക്കാര് നടപടിക്കെതിരെ വിമന് ജസ്റ്റിസ് മൂവ്മെന്റ് പതിനായിരം വീടുകളില് ശനിയാഴ്ച അമ്മമാരുടെ നില്പ്പുസമരം സംഘടിപ്പിക്കും. ശനിയാഴ്ച രാവിലെ പത്തിന് സംസ്ഥാന പ്രസിഡന്റ് ജബീന ഇര്ഷാദ് സമരം ഉദ്ഘാടനം ചെയ്യും. പീഡിപ്പിക്കപ്പെട്ട പിഞ്ചുകുഞ്ഞിന് നീതി നിഷേധിക്കുന്ന പിണറായി സര്ക്കാറിനെതിരെ വരുംനാളുകളില് സമരം ശക്തമാക്കുമെന്ന് ജബീന ഇര്ഷാദ് മുന്നറിയിപ്പ് നല്കി.
