തിരുവല്ല : പരുമല ദേവസ്വം ബോര്ഡ് പമ്പാ കോളേജ് യൂണിയന് തെരഞ്ഞെടുപ്പില് 14ല് 14 സീറ്റിലും പെണ്കുട്ടികള് എതിരില്ലാതെ തെരഞ്ഞെടുക്കപ്പെട്ടു. കെഎസ്യു, എബിവിപി സംഘടനകള് നാമനിര്ദേശ പത്രിക നല്കാന് പോലും എത്തിയില്ല. ജനറല് കോളേജില് പെണ്കുട്ടികളെ മാത്രം മത്സരിപ്പിച്ച് എസ്എഫ്ഐ സമാനതകളില്ലാത്ത മാതൃക കാട്ടുകയായിരുന്നു.
ജിഷാ എല്സാ ജോര്ജ് (ചെയര്മാന്), വി അഞ്ജന (വൈസ് ചെയര്മാന്), ഫേബാ മറിയം മോനച്ചന് (ജനറല് സെക്രട്ടറി), കാവ്യാ മധു, അഖില (കൗണ്സിലര്മാര് ), കെ ഗ്രീഷ്മ (എഡിറ്റര്), ഷെറീന ശാമുവേല് (ആര്ട്ട്സ് ക്ലബ് സെക്രട്ടറി), നീതു, ശ്രീലക്ഷ്മി (വനിതാ പ്രതിനിധികള്), സാന്ദ്ര, സുജ, ഗാഥ, പാര്വതി, ഗ്രീഷ്മ (ക്ലാസ് പ്രതിനിധികള്) എന്നിവരാണ് എതിരില്ലാതെ തെരെഞ്ഞെടുക്കപ്പെട്ടത്. എസ്എഫ്ഐ ജില്ലാ ജോ. സെക്രട്ടറി കെ എസ് അമല്, തിരുവല്ല ഏരിയ സെക്രട്ടറി വിവേക് വിനാഥ് എന്നിവരുടെ നേതൃത്വത്തിലാണ് കോളേജ് യൂണിറ്റ് മാതൃകാ പ്രവര്ത്തനം നടത്തിയത്.
