മനാമ : ബഹ്റൈനിലെ പ്രമുഖ വ്യവസായിയും ജീവകാരുണ്യ പ്രവർത്തന മേഖലയിൽ നിരവധി സംഭാവനകൾ നൽകിയ വ്യക്തിയുമായ പമ്പാവാസൻ നായർ നടത്തുന്നത് സാമാനതകളില്ലാത്ത ജീവകാരുണ്യ പ്രവർത്തനങ്ങളാണെന്ന് അദ്ദേഹത്തെ സന്ദർശിച്ച ഒ.ഐ.സി.സി നേതാക്കൾ പറഞ്ഞു. കഴിഞ്ഞ മാസം പാലക്കാട് ഒറ്റപ്പാലത്ത് നടത്തിയ ചടങ്ങിൽ അൻപത് നിർധനർക്ക് സൗജന്യമായി വസ്തുവും വീടും നൽകുന്ന ചടങ്ങ് മുഖ്യമന്ത്രി വി.ഡി സതീശൻ ഉദ്ഘാടനം ചെയ്തിരുന്നു. താക്കോൽ കൈമാറ്റത്തിന് ശേഷം തിരിച്ച് ബഹ്റൈനിൽ എത്തിയ അദ്ദേഹത്തെ ആശംസകൾ അറിയിക്കാനാണ് ഒ.ഐ.സി.സി നേതാക്കൾ എത്തിയത്.
പമ്പാവാസൻ നായർ നടത്തുന്ന ജീവകാരുണ്യ പ്രവർത്തനങ്ങളിൽ യഥാർത്ഥ ഗുണഭോക്താക്കളെ അദ്ദേഹം നേരിട്ട് തെരഞ്ഞെടുക്കുന്നത് മൂലം അർഹതപ്പെട്ട കൈകളിൽ തന്നെയാണ് ചിലവാക്കുന്ന തുകകൾ എത്തുന്നത് എന്നത് ഏറ്റവും സന്തോഷം നൽകുന്ന കാര്യമാണ്. ഒറ്റപ്പാലത്ത് നടന്ന സമ്മേളത്തിൽ മുഖ്യമന്ത്രി വി.ഡി സതീശൻ, മന്ത്രിമാരായ തുളസി, അഡ്വ.എൻ.ഷംസുദീൻ, വി.കെ ശ്രീകണ്ഠൻ എം.പി., എം.എൽ.എ മാരായ വിൻസെന്റ്, വി.ടി ബൽറാം, വിവിധ രാഷ്ട്രീയ നേതാക്കൾ എന്നിവര് പങ്കെടുത്തിരുന്നു. ഒ.ഐ.സി.സി ദേശീയ പ്രസിഡന്റ് ഗഫൂർ ഉണ്ണികുളം, ഒ.ഐ.സി.സി ഗ്ലോബൽ കമ്മറ്റി അംഗം ബിനു കുന്നന്താനം, വർക്കിംഗ് പ്രസിഡന്റ് ബോബി പാറയിൽ, ജനറൽ സെക്രട്ടറിമാരായ മനു മാത്യു, ഷമീം കെ.സി, വൈസ് പ്രസിഡന്റ് ഗിരീഷ് കാളിയത്ത് എന്നിവരാണ് പമ്പാവാസൻ നായരെ സന്ദർശിച്ച് ആശംസകൾ അറിയിച്ചത്.
