റാന്നി: മഴ കനത്തതോടെ പമ്പയിലെ ജലനിരപ്പ് ഉയരുന്നു. അതേസമയം കക്കാട്ടാറ്, കല്ലാറ്, തോടുകൾ എന്നിവിടങ്ങളിലും ജലനിരപ്പ് ഉയർന്നിട്ടുണ്ട്. കുരുമ്പൻമൂഴി അടുക്കളപ്പാറ കടവിലെ കോസ്വേയിൽ വെള്ളം കയറിയിട്ട് രണ്ടാഴ്ചയായി. ഇടയ്ക്ക് ഒരു ദിവസം മാത്രമാണ് വെള്ളം കുറഞ്ഞത്. കുരുമ്പൻമൂഴി–പെരുന്തേനരുവി വന പാതയിലൂടെ അത്യാവശ്യക്കാർ യാത്ര ചെയ്യുന്നുണ്ട്.
ജൂലൈയിലെ രണ്ടാഴ്ചയിൽ സംസ്ഥാനത്തു പെയ്തത് 52.18 സെന്റിമീറ്റർ മഴ. നാലു ദിവസം കൂടി മഴ തുടരുമെന്നാണു കേന്ദ്ര കാലാവസ്ഥ വകുപ്പിന്റെ അറിയിപ്പ്. വടക്ക് കിഴക്കൻ അറബിക്കടലിൽ തീവ്രന്യൂനമർദമായി ശക്തി പ്രാപിച്ച ന്യൂനമർദം അടുത്ത 24 മണിക്കൂറിൽ വടക്ക് – വടക്ക് പടിഞ്ഞാറു ദിശയിൽ സഞ്ചരിക്കാനും തുടർന്ന് ഒമാൻ തീരത്തേക്ക് നീങ്ങാനും സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.
