നെടുമ്പാശ്ശേരി : പഞ്ചായത്ത് ഉപതെരഞ്ഞെടുപ്പില് സ്ഥാനാര്ഥി നിര്ണയത്തില് കോണ്ഗ്രസില് തര്ക്കം. കഴിഞ്ഞ തവണ കോണ്ഗ്രസില് ഇവിടെ വിമതനുണ്ടായിട്ടും കോണ്ഗ്രസിന് വിജയിക്കാന് കഴിഞ്ഞിരുന്നു. എല്.ഡി.എഫില് സി.പി.ഐക്കാണ് സീറ്റ്. പഞ്ചായത്തില് സി.പി.ഐക്ക് സീറ്റില്ല.19 അംഗ പഞ്ചായത്തില് കോണ്ഗ്രസിനും സി.പി.എമ്മിനും ഒമ്പത് അംഗങ്ങള് വീതമാണുണ്ടായിരുന്നത്.
തുടര്ന്ന് കോണ്ഗ്രസ് വിമതനായി ജയിച്ചയാളെ കോണ്ഗ്രസ് പ്രസിഡന്റാക്കി. ഒരു വര്ഷത്തിനുശേഷം മുന്പ്രസിഡന്റും ഈ വാര്ഡില്നിന്ന് വിജയിച്ചയാളുമായ പി.വൈ. വര്ഗീസിനെ പ്രസിഡന്റാക്കാമെന്ന് ധാരണയുണ്ടാക്കിയിരുന്നതായി പറയപ്പെടുന്നു. എന്നാല് പ്രസിഡന്റ് മാറാന് തയാറായില്ല. തുടര്ന്ന് പ്രതിഷേധിച്ചാണ് രാജിവെച്ചതെന്നും പറയപ്പെടുന്നുണ്ട്. സി.പി.ഐ വിജയിച്ചാല് ഭരണമാറ്റമുണ്ടാകും.
