ഈറോഡ്: അച്ഛനെ കൊന്നതിന്റെ പ്രതികാരം തീര്‍ക്കാന്‍ ഗുണ്ടകളെ വിട്ട് പഞ്ചായത്ത് പ്രസിഡന്റിനെ വെട്ടിക്കൊലപ്പെടുത്തി. തമിഴ്‌നാട്ടില്‍ ഈറോഡ് ജില്ലയിലെ ആന്ധിയൂരിന് സമീപം പഞ്ചായത്ത് പ്രസിഡന്റിനെ നാലംഗ സംഘം വെട്ടിക്കൊലപ്പെടുത്തുകയായിരുന്നു. അന്ധിയൂർ താലൂക്കിലെ വെല്ലി തിരുപ്പൂരിനടുത്തുള്ള ഉഞ്ചക്കട് തോട്ടത്തിലെ എസ് രാധാകൃഷ്ണൻ എന്ന ചിന്ന തങ്കമാണ് മരിച്ചത്. ശങ്കരപാളയം പഞ്ചായത്തിന്റെ പഞ്ചായത്ത് പ്രസിഡന്റായിരുന്നു. മൂന്ന് പേരെ പോലീസ് അറസ്റ്റ് ചെയ്യുകയും പ്രധാന പ്രതിക്കായി തിരച്ചിൽ ആരംഭിക്കുകയും ചെയ്തു.
ഇയാൾക്കെതിരെ കൊലപാതക കേസ് ഉൾപ്പെടെ എട്ട് കേസുകൾ വെല്ലി തിരുപൂർ പോലീസ് സ്റ്റേഷനിൽ പരിഗണനയിലുണ്ടെന്ന് പോലീസ് ഉദ്യോഗസ്ഥർ പറഞ്ഞു. അന്ധിയൂർ-ബർഗുർ റോഡിൽ രാധാകൃഷ്ണൻ കുറച്ച് ആളുകളുമായി സംസാരിച്ചുകൊണ്ടിരിക്കുമ്പോൾ സ്കോര്‍പിയോ കാറില്‍ എത്തിയ നാലംഗ സംഘം അരിവാള്‍ ഉപയോഗിച്ച് രാധാകൃഷ്ണനെ വെട്ടുകയായിരുന്നു. മരിച്ചുവെന്ന് ഉറപ്പുവരുത്തിയ ശേഷം സംഘം സംഭവസ്ഥലത്ത് നിന്ന് ഓടിപ്പോയതായും ഈറോഡ് എസ്പി ശക്തി ഗണേഷ് പറഞ്ഞു.
തുടര്‍ന്ന് പോലീസ് നടത്തിയ തെരച്ചിലില്‍ മൂന്ന് പേരെ പിടികൂടി. ഒരാള്‍ ഓടി രക്ഷപ്പെട്ടു. ശരവണന്‍ (26), ബാലമുരുകൻ (26), രാജേഷ് (24) എന്നിവരാണ് അറസ്റ്റിലായത്. ചോദ്യം ചെയ്യലിനിടെ രാധാകൃഷ്ണനെ വധിക്കാൻ ശങ്കരാംപാളയത്തിലെ എസ് അരവിന്ദ് (30) ആണ് തങ്ങളെ നിയോഗിച്ചതെന്ന് അവർ സമ്മതിച്ചു. 2013 ൽ അരവിന്ദിന്റെ പിതാവിനെ കൊന്നതിന് രാധാകൃഷ്ണനെതിരെ കൊലപാതക കേസ് ഈറോഡ് ജില്ലാ കോടതിയിൽ നിലനിൽക്കുന്നുണ്ട്. കുറ്റസമ്മതത്തിന്റെ അടിസ്ഥാനത്തിൽ പോലീസ് കേസ് രജിസ്റ്റർ ചെയ്തു. അറസ്റ്റിലായവരെ കോയമ്പത്തൂർ സെൻട്രൽ ജയിലിൽ ജുഡീഷ്യൽ കസ്റ്റഡിയിൽ വിട്ടു. അരവിന്ദിനായി പോലീസ് തിരച്ചിൽ ആരംഭിച്ചു.
