പന്തളം : പന്തളം എൻഎസ്എസ് കരയോഗം യൂണിയന്റെ ആഭിമുഖ്യത്തിൽ പ്രതിഭാ സംഗമവും യൂണിയൻ മെറിറ്റ് സ്കോളർഷിപ്പ് വിതരണവും നടന്നു. പന്തളം ബോയ്സ് ഹൈസ്കൂൾ ഓഡിറ്റോറിയത്തിൽ ചേർന്ന യോഗത്തിൽ ഡയറക്ടർ ബോർഡ് അംഗവും പന്തളം താലൂക്ക് യൂണിയൻ പ്രസിഡന്റുമായ ശ്രീ പന്തളം ശിവൻകുട്ടി ഉദ്ഘാടനം ചെയ്തു. യോഗത്തിൽ യൂണിയൻ വൈസ് പ്രസിഡന്റ് അഡ്വ ആർ ഗോപാലകൃഷ്ണ പിള്ള അധ്യക്ഷത വഹിച്ചു.
യൂണിവേഴ്സിറ്റി തലത്തിൽ റാങ്ക് നേടി വിജയിച്ച കുട്ടികളെ അനുമോദിക്കുകയും എസ്എസ്എൽസി, പ്ലസ് ടു ഫുൾ എ പ്ലസ് വാങ്ങിയ കുട്ടികൾക്ക് മന്നം ട്രോഫി വിതരണം ചെയ്യുകയും ചെയ്തു. 86 കരയോഗങ്ങളിൽ പെട്ട പഠിക്കാൻ സമൃദ്ധരും സാമ്പത്തികമായി പിന്നോക്കം നിൽക്കുന്നവരുമായ കുട്ടികൾക്ക് മെറിറ്റ് സ്കോളർഷിപ്പും വിതരണം ചെയ്തു.
യോഗത്തിൽ യൂണിയൻ പ്രതിനിധി സഭാംഗം എ കെ വിജയൻ സ്വാഗതമാശംസിച്ചു. യൂണിയൻ കമ്മിറ്റി അംഗങ്ങളായ അഡ്വക്കേറ്റ് പി എൻ രാമകൃഷ്ണപിള്ള കെ ശ്രീധരൻ പിള്ള സോമൻ ഉണ്ണിത്താൻ എൻ ഡി നാരായണപിള്ള,കുസുമ കുമാരി, ജയചന്ദ്രൻ പിള്ള മോഹനൻ പിള്ള പ്രതിനിധി സഭാംഗങ്ങളായ പണയിൽ ശിവശങ്കരപ്പിള്ള തോപ്പിൽ കൃഷ്ണക്കുറുപ്പ് യൂണിയൻ സെക്രട്ടറി കെ കെ പത്മകുമാർ യൂണിയൻ ഇൻസ്പെക്ടർ വിപിൻ കുമാർ എന്നിവർ സംസാരിച്ചു.
