ഡല്ഹി: ഫോറം ഫോര് ഇന്ത്യ-പസഫിക് ഐലന്ഡ്സ് കോര്പറേഷന് (എഫ്ഐപിഐസി) ഉച്ചകോടിയില് പങ്കെടുക്കാനായി പാപുവ ന്യൂ ഗിനിയയിലെത്തിയ പ്രധാനമന്ത്രി നരേന്ദ്ര മോദിക്ക് പ്രത്യേക സ്വീകരണം. പസഫിക് ദ്വീപ് രാഷ്ട്രം സന്ദര്ശിക്കുന്ന ആദ്യ ഇന്ത്യന് പ്രധാനമന്ത്രിയായ മോദിയെ സ്വാഗതം ചെയ്തുകൊണ്ട്, അദ്ദേഹത്തിന്റെ കാല്തൊട്ടു വന്ദിക്കുന്ന പാപുവ ന്യൂ ഗിനിയ പ്രധാനമന്ത്രി ജെയിംസ് മറാപ്പെയുടെ വീഡിയോ സാമൂഹ്യ മാധ്യമങ്ങളില് വൈറലായി.
വിമാനമിറങ്ങിയ നരേന്ദ്ര മോദി, ജെയിംസ് മറാപ്പെയെ കെട്ടിപ്പിടിച്ചു. കൈകോര്ത്ത് സംസാരിക്കുന്നതിനിടെ ജെയിംസ് മോദിയുടെ കാല്തൊട്ട് വന്ദിച്ചു. ഉടന് മോദി അദ്ദേഹത്തെ പിടിച്ച് എഴുന്നേല്പ്പിക്കുകയും വാരിപ്പുണരുകയും ചെയ്തു. സാധാരണ സൂര്യാസ്തമയത്തിന് ശേഷം രാജ്യം സന്ദര്ശിക്കുന്ന ഒരു നേതാവിനും ആചാരപരമായ വരവേല്പ്പ് പാപുവ ന്യൂഗിനിയ നല്കാറില്ല. എന്നാല് മോദിയുടെ വരവില് എല്ലാ ആചാരങ്ങളെയും രാജ്യം മാറ്റിവച്ചു. തന്നെ വരവേല്ക്കാന് എത്തിയ ജെയിംസ് മാറാപ്പെയ്ക്ക് നന്ദിയുണ്ടെന്നും താനിതെന്നും ഓര്ക്കുമെന്നും മോദി ട്വിറ്ററില് കുറിച്ചു.
