പത്തനംതിട്ട : കലഞ്ഞൂര് ഗ്രാമപഞ്ചായത്തിലെ എല്ലാവര്ക്കും കുടിവെള്ളം എത്തിക്കാനാകുക എന്നതാണ് സമഗ്ര കുടിവെള്ളപദ്ധതിയുടെ ലക്ഷ്യമെന്ന് ജലവിഭവ വകുപ്പ് മന്ത്രി റോഷി അഗസ്റ്റിന് പറഞ്ഞു. കലഞ്ഞൂര് ഗ്രാമപഞ്ചായത്തില് ജലജീവന് മിഷന് വഴി നടപ്പാക്കുന്ന സമഗ്രകുടിവെള്ള പദ്ധതിയുടെ നിര്മാണ ഉദ്ഘാടനം കലഞ്ഞൂര് ഗവ ഹയര്സെക്കന്ഡറി സ്കൂള് ഓഡിറ്റോറിയത്തില് നിര്വഹിച്ച് സംസാരിക്കുകയായിരുന്നു മന്ത്രി.
ജല അതോററ്റിയുടെ ഒരു പദ്ധതി പോലും ഇല്ലാതിരുന്ന കലഞ്ഞൂര് പഞ്ചായത്തിലാണ് കുടിവെള്ള പദ്ധതി ആരംഭിക്കുന്നത്. പ്രവര്ത്തനം സമയബന്ധിതമായി പൂര്ത്തിയാക്കും. ഭൂപ്രദേശങ്ങള് കണ്ടുപിടിക്കുന്നത് ഉള്പ്പെടെയുള്ള ആവശ്യങ്ങളില് ജില്ലാ ഭരണകൂടവും വാട്ടര് അതോറിറ്റിയും മികച്ച പ്രവര്ത്തനം നടത്തിയെന്നും മന്ത്രി പറഞ്ഞു.
കുടിവെള്ളക്ഷാമം നേരിടുന്ന കലഞ്ഞൂര് ഗ്രാമ പഞ്ചായത്തില് ഏറെ കാലമായി കാത്തിരുന്ന പദ്ധതിയാണ് വാട്ടര് അതോറിറ്റി നടപ്പാക്കുന്നതെന്ന് യോഗത്തില് അധ്യക്ഷത വഹിച്ച അഡ്വ. കെ.യു ജനീഷ്കുമാര് എംഎല്എ പറഞ്ഞു. 116 കോടി രൂപയുടെ ജലജീവന് പദ്ധതിയിലൂടെയാണ് എല്ലാ വീടുകളിലും കുടിവെള്ളം എത്തിക്കുന്നത്. 54 കോടി രൂപയുടെ ആദ്യഘട്ട നിര്മാണമാണ് ആരംഭിക്കുന്നതെന്നും അദ്ദേഹം പറഞ്ഞു.
കലഞ്ഞൂര് ഗ്രാമപഞ്ചായത്തില് ജലജീവന് മിഷന് വഴി നടപ്പാക്കുന്ന 116.48 കോടി രൂപയുടെ സമഗ്രകുടിവെള്ള പദ്ധതിയിലൂടെ പഞ്ചായത്തിലെ 11000 കുടുംബങ്ങളിലേക്ക് നേരിട്ട് കുടിവെള്ള കണക്ഷന് ലഭ്യമാകും. പ്രവര്ത്തിയുടെ പൂര്ത്തീകരണത്തോടെ കലഞ്ഞൂര് പഞ്ചായത്തിലെ ജനങ്ങളുടെ കുടിവെള്ള പ്രശ്നങ്ങള്ക്ക് ശാശ്വത പരിഹാരമാകും.
ആന്റോ ആന്റണി എംപി മുഖ്യാതിഥിയായ യോഗത്തില് ജില്ലാ കളക്ടര് ഡോ. ദിവ്യ എസ് അയ്യര് മുഖ്യപ്രഭാഷണം നടത്തി. പറക്കോട് ബ്ലോക്ക് പഞ്ചായത്ത് പ്രസിഡന്റ് ആര്.തുളസീധരന്പിള്ള, കലഞ്ഞൂര് ഗ്രാമ പഞ്ചായത്ത് പ്രസിഡന്റ് ടി.വി പുഷ്പവല്ലി, ജില്ലാ പഞ്ചായത്ത് അംഗങ്ങളായ ബീനപ്രഭ, വി.റ്റി അജോമോന്, പറക്കോട് ബ്ലോക്ക് പഞ്ചായത്ത് വൈസ് പ്രസിഡന്റ് എം പി മണിയമ്മ, കലഞ്ഞൂര് ഗ്രാമ പഞ്ചായത്ത് വൈസ്പ്രസിഡന്റ് മിനി എബ്രഹാം, പറക്കോട് ബ്ലോക്ക് പഞ്ചായത്ത് അംഗങ്ങളായ പി.വി ജയകുമാര്, സുജ അനില്, ഗ്രാമ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മിറ്റി ചെയര്മാന് ഷാന് ഹുസൈന്, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്പേഴ്സണ് ആശ സജി, വികസന കാര്യ സ്റ്റാന്റിംഗ് കമ്മിറ്റി ചെയര്പേഴ്സണ് സിബി ഐസക്ക്, ഗ്രാമ പഞ്ചായത്ത് അംഗങ്ങളായ അലക്സാണ്ടര് ഡാനിയേല്, എസ്.പി സജന്, പി.എസ് അരുണ്, രമ സുരേഷ്, എം.എസ് ജ്യോതിശ്രീ, ശോഭ ദേവരാജന്, അജിതാ സജി, സിന്ധു സുദര്ശന്, സുഭാഷിണി, മേഴ്സി ജോബി, ബിന്ദു റെജി, എസ്. ബിന്ദു, പ്രസന്നകുമാരി, എം.മനു, കേരള വാട്ടര് അതോററ്റി ബോര്ഡ് അംഗം ഉഷാലയം ശിവരാജന്,സൂപ്രണ്ടിംഗ് എഞ്ചിനീയര് ബി.മനു,സിഡിഎസ് ചെയര്പേഴ്സണ് അമ്പിളി മോഹന് , ജനപ്രതിനിധികള്, വകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
