ഹിമാചല് : കാന്ഗ്ര ജില്ലയിലെ ബിര് ബില്ലിംഗില് പാരാഗ്ലൈഡിങ്ങിനിടെയുണ്ടായ അപകടത്തില് രണ്ട് പേര് മരിക്കുകയും ഒരാള്ക്ക് പരിക്കേല്ക്കുകയും ചെയ്തു. ആകാശ് അഗര്വാള്, പൈലറ്റ് വികാസ് കപൂര് എന്നിവരാണ് മരിച്ചത്. ചൊവ്വാഴ്ച വൈകുന്നേരം 4.30 ഓടെ ആകാശ് അഗര്വാള് തന്റെ പൈലറ്റ് വികാസ് കപൂറിനൊപ്പം പാരാഗ്ലൈഡറില് പറന്നുയരുന്നതിനിടെയാണ് സംഭവം. ഗ്ലൈഡര് തള്ളുന്നതിനിടെ രാകേഷ് കുമാര് കയറില് കുടുങ്ങുകയും ഗ്ലൈഡറിന്റെ ബാലന്സ് നഷ്ടപ്പെടുകയും ചെയ്കു. അഗര്വാളും രാകേഷ് കുമാറും 25-30 അടി ഉയരത്തില് നിന്ന് വീഴുകയും സംഭവസ്ഥലത്ത് തന്നെ മരിക്കുകയും ചെയ്തു.
പരിക്കേറ്റ പൈലറ്റിനെ ആശുപത്രിയില് പ്രവേശിപ്പിച്ചു. മരിച്ചവരുടെ കുടുംബാംഗങ്ങളെ വിവരമറിയിക്കുകയും ക്രിമിനല് കേസ് രജിസ്റ്റര് ചെയ്യുകയും ചെയ്തതായി പോലീസ് പറഞ്ഞു. പാരാഗ്ലൈഡറില് ഘടിപ്പിച്ച വീഡിയോ ക്യാമറയുടെ ദൃശ്യങ്ങള് പരിശോധിച്ചുവരികയാണെന്ന് കാന്ഗ്ര പോലീസ് സൂപ്രണ്ട് കെ.ശര്മ്മ പറഞ്ഞു. പൈലറ്റിന്റെ ലോഗ്ബുക്കും അദ്ദേഹത്തിന്റെ പറക്കല് പരിചയവും അനുഭവത്തിനായി പരിശോധിച്ചുവരികയാണ്. സമീപകാലത്ത് പാരാഗ്ലൈറഡുകള് ഉള്പ്പെടെയുള്ള നിരവധി അപകടങ്ങള് ഇവിടെ റിപ്പോര്ട്ട് ചെയ്തിട്ടുണ്ട്.
