ന്യൂമോണിയ ബാധിച്ച്‌ ചികിത്സയിലായിരുന്ന ഒറ്റപ്പാലം സ്വദേശി മക്കയില്‍ മരിച്ചു

മക്ക: ന്യൂമോണിയ ബാധിച്ച്‌ ചികിത്സയിലായിരുന്ന ഒറ്റപ്പാലം നെല്ലിക്കുറിശി സ്വദേശി അബ്ദുറഹ്മാന്‍ (അയ്ദ്രു- 52) മക്കയില്‍ നിര്യാതനായി. വര്‍ഷങ്ങളായി മക്കയില്‍ ഉംറ ഗ്രൂപ്പുകള്‍ക്ക് കാറ്ററിങ് സര്‍വീസ് നടത്തി വരികയായിരുന്നു. ഒരാഴ്ചയായി ന്യൂമോണിയ ബാധിച്ച്‌ മക്കയിലെ അല്‍നൂര്‍ ആശുപത്രി തീവ്രപരിചരണ വിഭാഗത്തില്‍ ചികിത്സയിലായിരുന്നു. രോഗം മൂര്‍ച്ഛിച്ചതിനെ തുടര്‍ന്ന് ചൊവ്വാഴ്ച രാത്രിയായിരുന്നു മരണം. പിതാവ്: ചേക്കു വെന്‍മരത്തില്‍, മാതാവ്: ഫാത്തിമ, ഭാര്യ: നബീസതുല്‍ മിസ്‌രിയ, മക്കള്‍: ആയിഷാബി, ഫാത്തിമ ഹിബ, ഇസ്മത് ഷിറിന്‍, സഹോദരങ്ങള്‍: ഖദീജ, ഹസന്‍, ഹുസൈന്‍ (കുവൈത്ത്), കുഞ്ഞുമുഹമ്മദ്. നടപടികള്‍ പൂര്‍ത്തിയാക്കി മയ്യിത്ത് ബുധനാഴ്ച രാത്രി മക്കയിലെ ഷറായ മഖ്ബറയില്‍ ഖബറടക്കി.