ഡല്ഹി: വിനായക ചതുർത്ഥി ദിനത്തില് പാര്ലമെന്റിന്റെ പ്രത്യേക സമ്മേളനം പുതിയ പാര്ലമെന്റ് മന്ദിരത്തില് നടക്കും. സെപ്റ്റംബര് പതിനെട്ടിന് സമ്മേളനം പഴയ മന്ദിരത്തില് തുടങ്ങി സെപ്റ്റംബര് 19 വിനായക ചതുർത്ഥി ദിനത്തില് പുതിയ കെട്ടിടത്തിലേക്ക് മാറാനാണ് തീരുമാനം. ഈ സമ്മേളനം പഴയ പാര്ലമെന്റിലെ അവസാന സമ്മേളനം ആയിരിക്കും. മെയ് 28ന് പ്രധാനമന്ത്രി നരേന്ദ്രമോദിയാണ് പാര്ലമെന്റിന്റെ പുതിയ കെട്ടിടത്തിന്റെ ഉദ്ഘാടനം നിര്വഹിച്ചത്.
സമ്മേളനത്തോടെ പാര്ലമെന്റ് പ്രവര്ത്തനങ്ങള് പൂര്ണമായും പുതിയ മന്ദിരത്തിലേക്ക് മാറും. ഈ മാസം 18 മുതല് 22 വരെയാണു കേന്ദ്രസര്ക്കാര് പാര്ലമെന്റിന്റെ പ്രത്യേക സമ്മേളനം വിളിച്ചത്. പാര്ലമെന്റിന്റെ പ്രത്യേക സമ്മേളനം വിളിക്കാനുള്ള കേന്ദ്ര സര്ക്കാര് തീരുമാനത്തിനു പിന്നില് എന്താണെന്നതില് വ്യക്തയില്ല. മധ്യപ്രദേശും രാജസ്ഥാനും ഉള്പ്പെടെ 5 നിയമസഭകളിലേക്ക് തെരഞ്ഞെടുപ്പ് അടുത്തിരിക്കെയാണ് പ്രത്യേക സമ്മേളനം വിളിക്കുന്നത്.
