പത്തനംതിട്ട: ജില്ലയിലെ വ്യാപാര സ്ഥാപനങ്ങൾ കേന്ദ്രീകരിച്ച് കോവിഡ് രോഗബാധ കൂടുതലായി റിപ്പോർട്ട് ചെയ്യുന്നു. പത്തനംതിട്ടയിലെ ഒരു വാഹന ഷോറൂമിൽ ഇന്നലെ രണ്ടുപേർക്ക് രോഗം സ്ഥിരീകരിച്ചു. കുമ്പഴയിലെ കടകളിൽ രണ്ടുപേർക്കും കോന്നിയിൽ ഒരാൾക്കും നെല്ലാട്ട് ഹോട്ടലിൽ ഒരാൾക്കും രോഗബാധ കണ്ടെത്തി. ചന്ദനപ്പള്ളി പ്ലാന്റേഷനിലും ഒരാൾക്ക് രോഗം കണ്ടെത്തി.
കെഎപി അടൂർ ക്യാമ്പിൽ ഇന്നലെ അഞ്ച് പുതിയ രോഗികൾ കൂടിയുണ്ടായി. ഇതോടെ രോഗബാധിതരുടെ എണ്ണം 103 ആയി. നാല് ആരോഗ്യപ്രവർത്തകർക്കു കൂടി ഇന്നലെ കോവിഡ് പോസിറ്റീവായി. നേരത്തെയുള്ള രോഗികളുടെ സമ്പർക്കത്തിൽ 170 പേരാണ് പുതുതായി പോസിറ്റീവായിരിക്കുന്നത്. 86 ക്ലസ്റ്ററുകൾ നിലവിലുള്ളതിൽ 24ലും പുതിയ രോഗികൾ ഇന്നലെയുണ്ടായി.