പത്തനംതിട്ട : സ്കൂൾ ഗെയിംസ് 2025 പത്തനംതിട്ട ജില്ലയെ പ്രതിനിധീകരിച്ച് സംസ്ഥാന തലത്തിൽ മെഡൽ നേടിയ കായികതാരങ്ങളെ പത്തനംതിട്ട ജില്ല സ്പോർട്സ് കൗൺസിൽ ആദരിച്ചു. അതോടൊപ്പം തന്നെ 2026 സ്കൂൾ ഒളിമ്പിക്സിൽ പത്തനംതിട്ട ജില്ലയുടെ റാങ്കിംഗ് മെച്ചപ്പെടുത്തുന്നതിനെ കുറിച്ചുള്ള ആലോചനയും മിഷൻ 2026 എന്ന കായിക പരിശീലന പദ്ധതിയും തുടക്കം കുറിച്ചു. ചടങ്ങിൽ പത്തനംതിട്ട ജില്ലാ സ്പോർട്സ് കൗൺസിൽ പ്രസിഡന്റ് കെ അനിൽകുമാർ അധ്യക്ഷത വഹിച്ചു.
നഗരസഭാ ചെയർമാൻ ടി സക്കീർ ഹുസൈൻ ചടങ്ങ് ഉദ്ഘാടനം ചെയ്തു. സ്പോർട്സ് കൗൺസിൽ വൈസ് പ്രസിഡണ്ട് തോമസ് മാത്യു, സ്പോർട്സ് കൗൺസിൽ എക്സിക്യൂട്ടീവ് അംഗങ്ങൾ പി ആർ ഗിരീഷ്, പ്രസന്നകുമാർ ആർ, അമൽ എസ്, സലിം കുമാർ പി കെ, ദേവാനന്ദൻ വലഞ്ചുഴി, എം ജെ രവി, ജോർജ് ബിനു രാജ്, അനീഷ് തോമസ്, എബ്രഹാം ജോസഫ്, അഞ്ജലി ചന്ദ്രൻ, ഹോക്കി പത്തനംതിട്ട സെക്രട്ടറി അമൃത് സോമരാജൻ നന്ദി പറഞ്ഞു.
