പത്തനാപുരം : നഗരത്തിലെ ധനകാര്യ സ്ഥാപനത്തില് നിന്ന് സ്വര്ണവും പണവും കവര്ന്ന കേസിലെ രണ്ടാം പ്രതി പോലീസ് പിടിയില്. പെരുമ്പാവൂര് മണ്ണത്തില് കുഴിപ്പിള്ളില് വീട്ടില് സിജിന് കൃഷ്ണന് (33) ആണ് പോലീസ് അറസ്റ്റ് ചെയ്തത്. ഒന്നാം പ്രതി മാങ്കോട് പാടം സ്വദേശി ഫൈസല് രാജ് രണ്ടാഴ്ച മുമ്പ് പത്തനംതിട്ട സ്റ്റേഷനില് കീഴടങ്ങിയിരുന്നു. ഫൈസലിനെ സ്വര്ണാഭരണങ്ങള് ബാങ്കുകളില് പണയംവെക്കാന് സഹായിച്ചത് സിജിന്കൃഷ്ണനാണ്. 80 ലക്ഷത്തിലധികം രൂപയുടെ സ്വര്ണവും പണവുമാണ് ലോക്കര് പൊളിച്ച് പ്രതി അപഹരിച്ചത്. പത്തനംതിട്ട കുമ്പഴ അച്ചന്കോവിലാറിന്റെ തീരത്ത് മരത്തില് കെട്ടിത്തൂക്കിയ നിലയില് ബാങ്കില് നിന്ന് കവര്ന്ന കുറച്ച് സ്വര്ണങ്ങള് പോലീസ് കണ്ടെടുത്തിരുന്നു.
പിടിയിലായ സിജിനെ പെരുമ്പാവൂരിലെ വിവിധ ധനകാര്യസ്ഥാപനങ്ങളിലെത്തിച്ച് പോലീസ് തെളിവെടുപ്പ് നടത്തിയിരുന്നു. പണയം വെച്ച സ്വര്ണാഭരണങ്ങള് പോലീസ് തിരിച്ചെടുത്തു. പത്തനാപുരം പിടവൂര് സ്വദേശി രാമചന്ദ്രന് നായരുടെ ഉടമസ്ഥതയിലുള്ളതായിരുന്നു സ്ഥാപനം. റൂറല് എസ്.പി കെ.ബി രവിയുടെ നിര്ദേശപ്രകാരം ഡിവൈ.എസ്.പി ബി.വിനോദിന്റെ മേല്നോട്ടത്തിലായിരുന്നു അന്വേഷണം. എസ്.എച്ച്.ഒ എസ്.ജയകൃഷ്ണന്, എസ്.ഐ അരുണ് കുമാര്, ഉണ്ണികൃഷ്ണന്, രഞ്ജിത്ത്, റിയാസ് എന്നിവരുടെ നേതൃത്വത്തിലായിരുന്നു തെളിവെടുപ്പ്.