പത്തനംതിട്ട: പത്തനാപുരത്ത് ബോംബ് കണ്ടെത്തിയ സംഭവത്തില് ഭീകരവാദ ബന്ധം പരിശോധിക്കാന് തീവ്രവാദ വിരുദ്ധ സ്ക്വാഡിനെ ചുമതലപ്പെടുത്തി. പ്രദേശത്ത് എ.ടി.എസും പോലിസും സംയുക്തമായി ഇന്ന് പരിശോധന നടത്തും. പത്തനാപുരത്ത് കശുമാവിന് തോട്ടത്തിലാണ് സ്ഫോടക വസ്തുക്കള് ഒളിപ്പിച്ചിരുന്നത്.
തീവ്രസംഘടനകള് പ്രദേശത്ത് ആയുധ പരിശീലനം നടത്തിയതായി വിവരം ലഭിച്ചു. സംഭവത്തില് കേന്ദ്ര അന്വേഷണ ഏജന്സികള് വിശദാംശങ്ങള് തേടി. രണ്ട് മാസം മുന്പാണ് തമിഴ്നാട് ക്യൂ ബ്രാഞ്ച് ഇവിടെ അന്വേഷണം നടത്തിയത്. പത്തനാപുരം പാടത്ത് വനംവകുപ്പിന്റെ അധീനതയിലുള്ള കശുമാവിന് തോട്ടത്തില് നിന്നാണ് സ്ഫോടക വസ്തുക്കള് കണ്ടെടുത്തത്. ബീറ്റ് ഫോറസ്റ്റ് ഓഫീസറുടെ നേതൃത്വത്തില് പ്രദേശത്ത് സ്ഥിരം പരിശോധന നടത്തിയപ്പോഴാണ് ജെലാറ്റിന് സ്റ്റിക്ക്, ഡിറ്റണേറ്റര് ബാറ്ററി, വയറുകള് എന്നിവ കണ്ടെത്തിയത്.