റാന്നി : ജനകീയാസൂത്രണം എന്ന മഹത്തായ ആശയത്തിലൂടെ അധികാരവികേന്ദ്രീകരണം സാധ്യമായ നമ്മുടെ നാട്ടിൽ ഓരോ പൗരന്റെയും ശബ്ദം ഭരണകൂടത്തിൽ എത്തിക്കാനുള്ള വേദിയാണ് വികസന സെമിനാർ എന്നും പഴവങ്ങാടി ഗ്രാമ പഞ്ചായത്തിന്റെ വരും വർഷത്തെ വികസന ഗതി നിശ്ചയിക്കുമ്പോൾ ജില്ലാ പഞ്ചായത്തിന്റെ പരിപൂർണ പിന്തുണ ഉണ്ടാവും എന്നും ജില്ലാ പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല. പഴവങ്ങാടി ഗ്രാമ പഞ്ചായത്ത് വികസന സെമിനാർ ഉത്ഘാടനം ചെയ്യുകയായിരുന്നു അദ്ദേഹം. പഞ്ചായത്ത് പ്രസിഡന്റ് പ്രമോദ് മന്ദമരുതി അധ്യക്ഷത വഹിച്ചു.
ജില്ലാ പഞ്ചായത്ത് അംഗം ആരോൺ ബിജിലി പനവേലിൽ, ബ്ലോക്ക് പഞ്ചായത്ത് അംഗം സനോജ് മേമന, ഗ്രാമ പഞ്ചായത്ത് വൈസ് പ്രസിഡന്റ് സൗമ്യ ജി നായർ, സ്ഥിരം സമിതി അധ്യക്ഷരായ മോളി മാത്യു, മേരി ജോൺ, അംഗങ്ങളായ കെ ഇ മാത്യു, ജോയിസി ചാക്കോ, സതീഷ് എം. റ്റി, ആതിര എസ് നായർ, അന്നമ്മ തോമസ്, മോനായി പുന്നൂസ്, അനി സുരേഷ്, ബിനിറ്റ് മാത്യു, പ്രിയ ഷാജി, റൂബി കോശി എന്നിവർ പ്രസംഗിച്ചു. സെക്രട്ടറി മിനി മറിയം ജോർജ് വിഷയാവതരണം നടത്തി.
