കോട്ടയം : എൻഡിഎ ഉൾപ്പെടെ ഒരു മുന്നണിയുടെയും ഭാഗമാകില്ലെന്നും കേരള ജനപക്ഷം പൂഞ്ഞാറിൽ ഒറ്റയ്ക്കു മത്സരിക്കുമെന്നും പി.സി. ജോർജ്. പൂഞ്ഞാറിൽ മാത്രമേ ജനപക്ഷം മത്സരിക്കൂ. ആരുടെ പിന്തുണയും സ്വീകരിക്കും. പൂഞ്ഞാറിൽ സഹായിക്കുന്നവരെ മറ്റു മണ്ഡലങ്ങളിൽ തിരിച്ചും സഹായിക്കുമെന്ന് ജോർജ് പറഞ്ഞു.
പാലായിൽ മാണി സി.കാപ്പനു പിന്തുണ നൽകും. ജോസ് കെ.മാണിയെ തോൽപിക്കണം എന്നതുകൊണ്ടും കാപ്പൻ പാവമായതിനാലുമാണിത്. മുന്നണിയിൽ എടുക്കാമെന്നു പറഞ്ഞു പറ്റിച്ച യുഡിഎഫിനെ തോൽപിക്കുകയാണു മുഖ്യലക്ഷ്യം. സംസ്ഥാനത്ത് ആർക്കും ഭൂരിപക്ഷം ലഭിക്കില്ല. ബിജെപിക്ക് 5 – 10 സീറ്റ് കിട്ടും. കെ.സുരേന്ദ്രനുമായി സംസാരിച്ചിരുന്നു. എൻഡിഎ സ്ഥാനാർത്ഥിയായി പി.സി. തോമസ് പൂഞ്ഞാറിൽ മത്സരിക്കില്ല ജോർജ് പറഞ്ഞു.