തിരുവനന്തപുരം : വിദ്വേഷ പ്രസംഗ കേസില്‍ അറസ്റ്റിലായി റിമാന്‍ഡില്‍ കഴിഞ്ഞിരുന്ന മുന്‍ എം.എല്‍.എ പി.സി. ജോര്‍ജ് ജയിലില്‍നിന്ന് പുറത്തിറങ്ങി.
ഹൈകോടതി ജാമ്യം അനുവദിച്ചതോടെയാണ് പൂജപ്പുര സെന്‍ട്രല്‍ ജയിലില്‍നിന്ന് വെള്ളിയാഴ്ച വൈകീട്ട് പുറത്തിറങ്ങിയത്. തന്നെ ജയിലിലാക്കിയത് മുഖ്യമന്ത്രി പിണറായി വിജയന്റെ കളി ആണെന്ന് പി.സി. ജോര്‍ജ് പറഞ്ഞു. പിണറായി വിജയന്‍ തൃക്കാക്കരയില്‍ വെച്ചാണ് എന്നെപ്പറ്റി അഭിപ്രായം പറഞ്ഞത്. അതിന് നാളെ കഴിഞ്ഞ് തൃക്കാക്കാരയില്‍ വെച്ച്‌ തന്നെ മറുപടി പറയും. നല്ല മറുപടി എന്റെ കയ്യില്‍ ഉണ്ട്. ആരൊക്കെ ഇടപെട്ടോ അവര്‍ക്കെല്ലാമുള്ള മറുപടി നല്‍കും. ബഹുമാനപ്പെട്ട കോടതിയോട് നന്ദിയുണ്ട്. ഇന്ത്യയിലെ ജനാധിപത്യ വ്യവസ്ഥക്ക് നീതിക്ക് വിലയുണ്ടെന്ന് തെളിയിക്കപ്പെട്ടിരിക്കുന്നു’ -പി.സി. ജോര്‍ജ് പറഞ്ഞു.
നിയമം നിയമത്തിന്റെ വഴിക്ക് പോകട്ടെയെന്നും ഹൈകോടതിയുടെ വിധി മാനിച്ചുകൊണ്ടേ പ്രവര്‍ത്തിക്കൂയെന്നും തൃക്കാക്കരയില്‍ ബി.ജെ.പി സ്ഥാനാര്‍ഥിയുടെ വിജയത്തിനായി സാധ്യമായതെല്ലാം ചെയ്യുമെന്നും അദ്ദേഹം വ്യക്തമാക്കി. പ്രായവും ആരോഗ്യാവസ്ഥയും പരിഗണിച്ച്‌ കോടതി കര്‍ശന ഉപാധികളോടെയാണ് പി.സി. ജോര്‍ജിന് ജാമ്യം അനുവദിച്ചത്.
