കൊച്ചി : തൃക്കാക്കരയില് ജയിച്ചാല് ഒരു സീറ്റു കൂടി കിട്ടുമ്പോള് കേരള അസംബ്ലിയില് തങ്ങള്ക്ക് 100 സീറ്റ് ആകും എന്നുള്ളതുകൊണ്ട് ‘സെഞ്ച്വറി അടിക്കും’, എന്ന രീതിയിലാണ് ഇടതുപക്ഷ പ്രചാരണം. അതു നടക്കില്ലെന്നും, എന്നാല് വിലക്കയറ്റത്തില് ഇടതുപക്ഷ സര്ക്കാര് ‘സെഞ്ചുറി അടിക്കും’ എന്നും, കേരള കോണ്ഗ്രസ് വര്ക്കിംഗ് ചെയര്മാനും, മുന് കേന്ദ്ര മന്ത്രിയുമായ പി.സി തോമസ്. വിലക്കയറ്റം അതിരൂക്ഷമായി ക്കൊണ്ടിരിക്കുന്നത് കേരളത്തിലെ ജനങ്ങള് വലിയ വേദനയോടെയാണ് താങ്ങുന്നത്. ഈ സര്ക്കാര് അധികാരത്തില് നിന്നു മാറാതെ അതിന് മാറ്റം ഉണ്ടാവുകയില്ല എന്ന് ജനങ്ങള്ക്ക് വ്യക്തമായിട്ടുണ്ട്.
തക്കാളിക്ക് 100 രൂപ കടന്നു. പയറിനും എല്ലാ സാധനങ്ങള്ക്കും വില കുതിച്ചു കയറുകയാണ്. ഇതു തടയുവാന് കേരള സര്ക്കാരിനാവുന്നില്ല, എന്നു മാത്രമല്ല, തികഞ്ഞ പരാജയമാണ് ഈ കാര്യത്തിലെന്ന് ഓരോ ദിവസവും കൂടുതല് തെളിയിക്കപ്പെടുകയാണ്. തൃക്കാക്കരയില് ഇതിനു മറുപടി കൊടുക്കുവാന് ജനങ്ങള് കാത്തിരിക്കുകയാണ്. 100 സീറ്റ് കിട്ടുകയില്ല എന്നു മാത്രമല്ല, 99 ഉം അധികനാള് കാണുകയില്ല. ഈ മന്ത്രിസഭയുടെ ആയുസ്സും അധികം കാണരുത് എന്നുള്ളത് ജനങ്ങള് തീരുമാനിച്ചിരിക്കുന്ന കാര്യമാണ്. തൃക്കാക്കരയിലെ തിരഞ്ഞെടുപ്പില് അത് പ്രതിഫലിക്കും
