മല്ലപ്പള്ളി : ചന്ത ദിവസങ്ങളിൽ വ്യാപാരികൾ നടപ്പാതയിലുള്ള വ്യാപാരം കാൽ നടയാത്രക്കാർക്ക് ദുരിതമാകുന്നു. ടൗണിൽ ചൊവ്വ, വെള്ളി ദിവസങ്ങളിൽ നടപ്പാത പൂർണമായും വ്യാപാരികൾ കൈയേറുന്ന അവസ്ഥയാണ്. വഴിയോര കച്ചവടം പ്രദേശത്ത് നിരോധിച്ചിട്ടുള്ളതാണെങ്കിലും നടപടിയില്ല. തിരക്കേറുന്ന സമയങ്ങളിൽ ഇവിടെ ഗതാഗതക്കുരുക്കിനും കച്ചവടം കാരണമാകുന്നുണ്ട്. നടപ്പാതയിലെ വ്യാപാരം നിയന്ത്രിക്കാൻ നടപടി ഉണ്ടാകണമെന്ന ആവശ്യം ശക്തമായിരിക്കുകയാണ്.
