പത്തനംതിട്ട : തൃതല പഞ്ചായത്തിൽ വോട്ടു ചെയ്യുവാൻ വോട്ടർമാർ നടക്കേണ്ടത് നാലര കിലോമീറ്റർ. മലയാലപ്പുഴ പഞ്ചായത്തിലെ വടക്കുപുറം 11ആം വാർഡിലെ ആളുകൾക്കാണ് ഈ ദുരിതം. മുൻ തിരഞ്ഞെടുപ്പുകളിൽ കരിംകുറ്റി അംഗൻ വാടിയിലും നല്ലൂർ എൻ എസ് എസ്എസ് ഹാളിലുമായിരുന്നു വോട്ട്. ഇത്തവണ പതിനൊന്നാം വാർഡിന്റെയും പത്താം വാർഡിന്റെയും അതിർത്തിയിൽ മലയാലപ്പുഴ ജംങ്ഷന് എൻ എസ് എസ് ഹാളിൽ മാത്രമാണ് ബൂത്ത്. വാർഡിന്റെ തെക്കേ അറ്റമായ ഇന്ദിരാ ജംങ്ഷനിൽ നിന്നും നാലര കിലോമീറ്റർ നടന്നാലെ ഇവിടെ എത്താനാകു. അതുകൊണ്ട് വാർഡിന്റെ മധ്യഭാഗമായ കരിംകുറ്റി അംഗൻവാടിയിൽകൂടി ബൂത്ത് ആക്കണമെന്നാണ് ആവശ്യം.
ഒപ്പം എൻ എസ് എസ് ഹാളും ഉപയോഗിച്ച് രണ്ടു ബൂത്ത് ആക്കണം. പ്രസിഡന്റടക്കം
പഞ്ചായത്ത് അധികൃതർ ശ്രദ്ധിക്കാഞ്ഞതാണ് ഈ അപാകതക്കു കാരണം.
ഇത് പരിഹരിക്കണം എന്നാവശ്യപെട്ട് ഡിസിസി പ്രസിഡന്റ് പ്രൊഫ. സതീഷ് കൊച്ചുപറമ്പിൽ, വൈസ് പ്രസിഡന്റ് അഡ്വ. വെട്ടൂർ ജ്യോതി പ്രസാദ്, യു ഡി എഫ് സ്ഥാനാർഥി ശശിലത പടിപ്പുരക്കൽ എന്നിവർ ജില്ലാ കളക്ടർക്കു നിവേദനം നൽകി.
