ആലുവ: കിഴക്കന് മേഖലയില് നിന്നുള്ള നീരൊഴുക്ക് വര്ദ്ധിച്ചതിനാല് പെരിയാറിലെ ജലനിരപ്പ് 2 മീറ്റര് ഉയര്ന്നു. ചെളിയുടെ അളവ് 45 എന്ടിയു ആയി ഉയര്ന്നു. ശിവരാത്രി മണപ്പുറത്തെ കുളിക്കടവുകളും മഹാദേവക്ഷേത്രത്തിന്റെ മുറ്റവും വെള്ളത്തിനടിയിലായി. റെഗുലേറ്റര് കം ബ്രിഡ്ജുകളുടെ ഷട്ടറുകള് തുറന്നിട്ടും ജലനിരപ്പ് കുറയുന്നില്ല. എന്നാല് ഇപ്പോള് സ്ഥിതിഗതികള് ആശങ്കാജനകമല്ലെന്ന് അധികൃതര് അറിയിച്ചു. ഡാമുകള് തുറന്നതായി വാട്ടര് അതോറിറ്റി അധികൃതര്ക്ക് ഔദ്യോഗിക അറിയിപ്പൊന്നും ലഭിച്ചിട്ടില്ല. കഴിഞ്ഞ കുറച്ച് ദിവസങ്ങളായി അണക്കെട്ടുകളുടെ അടിത്തട്ടിലെ ചെളി ഇളകി വരുന്നതു പോലെയാണ് വെള്ളത്തിലെ കലക്കല്. ഇത് വൃത്തിയാക്കാന് സമയമെടുക്കും. പ്രതിദിന ശുദ്ധജല ഉല്പാദനത്തില് ഇതുവരെ കുറവുണ്ടായിട്ടില്ല.
