നീലേശ്വരം: മാലോം ബി.എസ്.എന്.എല് ഓഫീസിനു മുന്നില് നാട്ടുകാര് റീത്ത് സമര്പ്പിച്ചു. ഒരുമാസമായി ബി.എസ്.എന്.എല് നെറ്റ് വര്ക്ക് സേവനം ലഭിക്കാതെ വരുന്ന സാഹചര്യത്തിലാണ് നാട്ടുകാരുടെ പ്രതിഷേധം. കാലങ്ങളായി ബി.എസ്.എന്.എല് സേവനം മാത്രം ആശ്രയിക്കുന്നവരാണ് സഹികെട്ട് റീത്തുമായി മാലോം ഓഫീസില് എത്തിയത്. സമരക്കാരെ കണ്ട ഉടന് ജീവനക്കാര് ഓഫീസ് പ്രവേശനകവാടം പൂട്ടി. പ്രതിഷേധവുമായി എത്തിയവര് റീത്ത് വാതില്പടിയില് വെക്കുകയും മുദ്രാവാക്യം വിളിക്കുകയും ചെയ്തു. മഴക്കാലമായതിനാല് ഇടക്കിടെ വൈദ്യുതി മുടങ്ങുന്ന സാഹചര്യം ഉണ്ടാകുമ്പോള് ബി.എസ്.എന്.എല് പ്രവര്ത്തനസജ്ജമാകണമെങ്കില് ഓട്ടോമാറ്റിക് ബാറ്ററി ഉണ്ടെങ്കിലും അത് പ്രവര്ത്തനമല്ലെന്നും ജനറേറ്റര് പ്രവര്ത്തിപ്പിക്കാന് ജീവനക്കാര് ഇല്ലാത്തതുമാണ് സേവനം ലഭിക്കാതെ വരാന് ഇടയാകുന്നത് എന്ന് പ്രതിഷേധക്കാര് പറഞ്ഞു.
