തൃശൂര്: മുല്ലശ്ശേരിയില് മകന് അമ്മയെ പെട്രോള് ഒഴിച്ച് തീവച്ചു. ഗുരുതരമായി പൊള്ളലേറ്റ വള്ളിയമ്മയെ ആശുപത്രിയില് പ്രവേശിപ്പിച്ചു. കഴിഞ്ഞ ദിവസം രാത്രിയില് അമ്മയും മകനുമായി വഴക്കും ബഹളവുമായിരുന്നെന്ന് പ്രദേശവാസികള് പറയുന്നു. ഇതിനു മുമ്പും ഇയാള് അമ്മയെ ആയുധം ഉപയോഗിച്ച് പരുക്കേല്പ്പിച്ചിട്ടുണ്ട്. സ്വത്തിന്റെ പേരിലുള്ള തര്ക്കമാണ് വഴക്കിന് കാരണമെന്ന് പരിസരത്തു താമസിക്കുന്നവര് പറയുന്നു. പല ദിവസങ്ങളിലും മദ്യപിച്ച് എത്തി വഴക്കുണ്ടാക്കുന്നത് പതിവാണെന്ന് പോലീസ് പറഞ്ഞു . ബുധനാഴ്ച രാവിലെയായിരുന്നു സംഭവം. മകന് ഉണ്ണികൃഷ്ണനെ നാട്ടുകാര് പിടികൂടി പോലീസില് ഏല്പ്പിച്ചു.
