ഇരവിപുരം: വാഹനത്തില് പെട്രോള് നിറച്ചശേഷം പണം ചോദിച്ചപ്പോള് ജീവനക്കാരെയും പമ്പുടമയെയും ആക്രമിച്ചു കടന്ന സംഘത്തിലെ ഒരാളെ പിടികൂടി. വടക്കേവിള പുന്തലത്താഴം നേതാജി നഗര് 49 ചരുവിള വീട്ടില് അജിത് (20) ആണ് അറസ്റ്റിലായത്.
ഞായറാഴ്ച രാത്രി എട്ടരയോടെ അയത്തില് ബൈപാസിലെ പെട്രോള് പമ്പിലായിരുന്നു സംഭവം. പമ്പ് ജീവനക്കാരനായ പുന്തലത്താഴം സ്വദേശി ഗോകുലിനെയാണ് മര്ദിച്ചത്.
ഇത് കണ്ടെത്തിയ മറ്റ് ജീവനക്കാരെയും ഉടമയെയും മര്ദിച്ചശേഷം സംഘം കടക്കുകയായിരുന്നു. ഇരവിപുരം പോലീസ് ഇന്സ്പെക്ടര് വിനോദ്, എസ്.ഐമാരായ അനീഷ്, ബിനോദ്കുമാര്, ദീപു എന്നിവരടങ്ങിയ സംഘമാണ് പ്രതികളെ പിടികൂടിയത്.