മൂന്നാര്: രാജമല പെട്ടിമുടിയിലുണ്ടായ ഉരുള് പൊട്ടലില് മണ്ണിനടിയിലായ രണ്ടു മൃതദേഹങ്ങള് കൂടി കണ്ടെത്തി. ഇതോടെ മരണസംഖ്യ 24 ആയി. ഇന്ന് ഏഴ് മൃതദേഹങ്ങളാണ് കണ്ടെത്തിയത്. സ്ഥലത്ത് ചെളിയും പാറക്കൂട്ടങ്ങളും നിറഞ്ഞിരിക്കുന്നതിനാല് തെരച്ചില് നടത്തുന്നത് രക്ഷാപ്രവര്ത്തകര്ക്ക് വലിയ വെല്ലുവിളിയാണ് ഉയര്ത്തുന്നത്.
മന്ത്രിമാരായ ഇ. ചന്ദ്രശേഖരന്, എം.എം.മണി എന്നിവര് മൂന്നാറിലെത്തി സ്ഥിതിഗതികള് വിലയിരുത്തി. ഡീന്കുര്യാക്കോസ് എംപി, എസ്.രാജേന്ദ്രന് എംഎല്എ എന്നിവര് സ്ഥലത്തെത്തി രക്ഷാ പ്രവര്ത്തനങ്ങള് ഏകോപിപ്പിക്കുന്നുണ്ട്. പോലീസും ഫയര്ഫോഴ്സും ദേശീയ ദുരന്തനിവാരണ സംഘവും വനംഉദ്യോഗസ്ഥരും സംയുക്തമായാണ് രക്ഷാപ്രവര്ത്തനത്തില് പങ്കെടുക്കുന്നത്.
