ആലപ്പുഴ : വിദ്വേഷ മുദ്രാവാക്യം വിളിച്ച സംഭവത്തില് പോപ്പുലര് ഫ്രണ്ട് സംസ്ഥാന ട്രഷറര് കെ.എച്ച്.നാസറിനെ പോലീസ് അറസ്റ്റ് ചെയ്തു. ആലപ്പുഴയില് നടന്ന പോപ്പുലര് ഫ്രണ്ട് ജനമഹാ സമ്മേളനത്തില് പ്രായപൂര്ത്തിയാകാത്ത കുട്ടി വിദ്വേഷ മുദ്രാവാക്യം വിളിച്ച കേസിലാണ് പോലീസ് നടപടി. വിശദമായ ചോദ്യം ചെയ്യലിനു ശേഷമാണ് നാസറിന്റെ അറസ്റ്റ് അടക്കമുള്ള നടപടികള് സ്വീകരിച്ചത്. ഇതോടെ കേസില് 29 പേരാണ് അറസ്റ്റിലായത്.
കേസുമായി ബന്ധപ്പെട്ട് നേരത്തെ പോപ്പുലര് ഫ്രണ്ട് സംസ്ഥാന സമിതിയംഗം യഹിയ തങ്ങളെ പോലീസ് അറസ്റ്റ് ചെയ്തിരുന്നു. പ്രായപൂര്ത്തിയാകാത്ത കുട്ടി വിദ്വേഷ മുദ്രാവാക്യം വിളിച്ച സംഭവത്തില് സംഘാടകര്ക്കെതിരെ കേസെടുക്കാന് തീരുമാനിച്ചിരുന്നു. ഇതേത്തുടര്ന്നാണ് സംസ്ഥാന സമിതി അടക്കമുള്ളവര്ക്കെതിരെ കേസെടുത്ത് അറസ്റ്റ് രേഖപ്പെടുത്തിയത്. വിദ്വേഷ മുദ്രാവാക്യം വിളിച്ച പോപ്പുലര് ഫ്രണ്ട് പ്രവര്ത്തകരെ നേരത്തെ പോലീസ് അറസ്റ്റ് ചെയ്തിരുന്നു. കേസുമായി ബന്ധപ്പെട്ട് കൂടുതല് അറസ്റ്റുണ്ടാകുമെന്ന് പോലീസ് വ്യക്തമാക്കി.
