ആലപ്പുഴ : പോപ്പുലര് ഫ്രണ്ട് ശനിയാഴ്ച ആലപ്പുഴയില് സംഘടിപ്പിച്ച റാലിക്കിടെ കുട്ടിയെ കൊണ്ട് മതസ്പര്ധ വളര്ത്തുന്ന മുദ്രാവാക്യം വിളിപ്പിച്ച സംഭവത്തില് പോലീസ് കേസെടുത്തു. കുട്ടിയുടെ രക്ഷിതാക്കള്ക്കെതിരെയാണ് കേസെടുത്തത്. ഐപിസി 153 എ പ്രകാരമാണ് രക്ഷിതാക്കള്ക്കെതിരെ പോലീസ് കേസെടുത്തിരിക്കുന്നത്. പരിപാടിയില് കുട്ടിയെ പങ്കെടുപ്പിച്ച സംഘാടകര്ക്കെ തിരെയും ഇതേ വകുപ്പ് പ്രകാരം കേസെടുത്തിട്ടുണ്ട്. ജാമ്യമില്ലാ വകുപ്പ് പ്രകാരമാണ് കേസ്. സംഭവത്തിനെതിരെ വിവിധ കോണുകളില് നിന്ന് വ്യാപകമായ വിമര്ശനം ഉയര്ന്ന സാഹചര്യത്തിലാണ് പോലീസ് കേസെടുത്തത്.
