കൊച്ചി : ആലപ്പുഴയില് പോപ്പുലര് ഫ്രണ്ട് റാലിയില് വിദ്വേഷ മുദ്രാവാക്യം വിളിച്ച സംഭവത്തില് പോലീസ് തിരയുന്ന കുട്ടിയും കുടുംബവും വീട്ടില് തിരിച്ചെത്തി. കുട്ടിയും പിതാവുമാണ് പള്ളുരുത്തിയിലെ വീട്ടില് തിരികെയെത്തിയത്. സംഭവത്തില് പോലീസ് കേസെടുത്തതോടെയാണ് കുടുംബം സ്ഥലത്തുനിന്നും മാറിയത്. ഇന്നു രാവിലെയാണ് ഇവര് വീട്ടില് തിരിച്ചെത്തിയത്. കോടതിയില് ഹാജരാകുമെന്ന് കുട്ടിയുടെ പിതാവ് പറഞ്ഞു. കേസില് പ്രതിയാണ് കുട്ടിയുടെ പിതാവ്. ഇവര് തിരികെയെത്തിയതറിഞ്ഞ് ആലപ്പുഴ പോലീസ് പള്ളുരുത്തിയിലെ വീട്ടിലെത്തി.
കുട്ടിക്ക് കൗണ്സിലിംഗ് നല്കാനാണ് ചൈല്ഡ് വെല്ഫെയര് കമ്മിറ്റി തീരുമാനം. അതേസമയം, കേസുമായി ബന്ധപ്പെട്ട് 24 പോപ്പുലര് ഫ്രണ്ട് പ്രവര്ത്തകരെ പോലീസ് കസ്റ്റഡിയിലെടുത്തിരുന്നു. 18 പേരുടെ അറസ്റ്റും രേഖപ്പെടുത്തി. സംഭവത്തില് പ്രതിഷേധിച്ച് പോപ്പുലര് ഫ്രണ്ട് ഇന്ന് ആലപ്പുഴ എസ്.പി ഓഫീസിലേക്ക് മാര്ച്ചിന് ആഹ്വാനം ചെയ്തിട്ടുണ്ട്.
